ამერიკის შეერთებული შთატების პრეზიდენტის დონალდ ტრამპის განცხადებით, სპეციალური პროკურორის რობერტ მიულერის დანიშვნა, ქვეყანას ავნებს, - ამის შესახებ BBC იუწყება.

ტრამპის განმარტებით, მას რუსეთთან არანაირი ფარული კავშირები არ აქვს, ისევე როგორც მის მის წინასაარჩევნო შტაბს.

„ვთვლი, რომ სპეციალური პროკურორის დანიშვნა ჩვენს ქვეყანას ავნებს, იმიტომ, რომ წარმოაჩენს ამერიკას, როგორც დაბნეულ, დაყოფილ და დაულაგებელ ქვეყენას“, - განაცხადა დონალდ ტრამპმა.

მანამდე, დონალდ ტრამპმა რუსეთთან მის შესაძლო კავშირების გამოძიებას „კუდიანებზე უდიდესი ნადირობა“ უწოდა. 

აშშ-ის გენერალური პროკურორის მოადგილის როდ როზენშტაინის განცხადებით, სპეციალური პროკურორის დანიშნვა საჭირო იყო იმისთვის, რომ გამოძიებას დამოუკიდებელი ექსპერტი ჰყოლოდა. მისივე თქმით, მიულერი გამოძიების განვითარებას დააკვირდება.

სპეციალური პროკურორის დანიშნვის საჭიროება მას შემდეგ დადგა, რაც 10 მაისს დონალდ ტრამპმა FBI-ის დირექტორი ჯეიმს კომი გაათავისუფლა. გავრცელებული ინფორმაციით, კომი დონალდ ტრამპისა და რუსეთის ურთიერთობებს და ოფიციალური კრემლის არჩევნებში შესაძლო ჩარევას იძიებდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ერდოღანი: თურქეთის ევროკავშირში გაწევრიანება ჩვენს პრიორიტეტებს შორის არ არის

გომის მთაზე მომხდარი ავარიის საქმეზე დაკავებულ მიკროავტობუსის მძღოლს პატიმრობა შეეფარდა

სად განახორციელებს სოლიდუსი ნაყიდი საწვავის რეალიზაციას, ჩვენთან არ თანხმდება – რესპოლი

ელენე ხოშტარია: საწვავი აფხაზეთში რუსეთის დავალებით მიაწოდეს