გენერალური აუდიტორის ლაშა თორდიას განცხადებით, საქმეში,  რომელზეც აუდიტის სამსახური მოკვლევას აწარმოებდა და სადაც  ოთარ ფარცხალაძის გვარი ფიგურირებს, დანაშაულებრივი ნიშნები იკვეთება.

შესაბამისად, თორდიას განმარტებით, დასკვნა შემდგომი რეაგირებისთვის პროკურატურას გადაეგზავნება.

“დიახ, არის დანაშაულის ნიშნები, არის კონკრეტულად გადაწყვეტილებები, რომლებიც მიზანმიმართული იყო ოთარ ფარცხალაძის მოთხოვნების დასაკმაყოფილებლად. რა თქმა უნდა, ამაზე შემდგომი რეაგირება უნდა გააკეთოს პროკურატურამ იმიტომ, რომ აუდიტის სამსახურის კომპეტენციას უკვე სცილდება, ჩვენ ვერ დავკითხავთ შემდგომ პირებს, ამის უფლებამოსილება არ გვაქვს. უკვე დაკითხვის რეჟიმში გამოვლინდება ვინ, რა, რის გამო გააკეთა ის, რაც გააკეთა”, – განაცხადა ლაშა თორდიამ.

შეგახსენებთ, ლაშა თორდიას განცხადებით, მას ყოფილი მთავარი პროკურორი თავს დაესხა. თავდასხმა მოხდა კონკრეტულ საქმესთან დაკავშირებით, რომელზეც აუდიტის სამსახური მოკვლევას აწარმოებდა. ლაშა თორდიას განმარტებით, საქმე 2016 წელს მიწების გადაცემის საკითხს ეხება და მასში ოთარ ფარცხალაძის გვარი ფიგურირებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს