დამოუკიდებელი დეპუტატის სალომე ზურაბიშვილის შეფასებით, სამხრეთ კავკასიის საკითხებში ევროკავშირის სპეციალური წარმომადგენლის ჰერბერტ ზალბერის განცხადება არა მხოლოდ პრინციპულად მიუღებელია, არამედ საკითხის მიმართ მის უცოდინარობას ავლენს. 

როგორც ზურაბიშვილმა აღნიშნა, ქართული მხარე არ უნდა დაელოდოს ბრიუსელის რეაგირებას და ზალბერის უკან გაწვევა უნდა მოითხოვოს.

„ასეთ შემთხვევაში ჩვენ მორჩილად არ უნდა  დაველოდოთ ბრიუსელის რეაგირებას ან მობოდიშებას, არამედ დროულად მოვითხოვოთ მისი უკან გაწვევა. დიპლომატიას თავის მკაცრი წესები გააჩნია და ამ შემთხვევაში ჰერბერტ ზალბერმა დაარღვია საქართველოს სუვერენობის პრინციპი და ქვეყნის ინტერესებს ზიანი მიაყენა“, - განაცხადა ზურაბშვილმა.

მისივე თქმით, ზალბერის საქციელს ერთი პასუხი აქვს - პერსონა ნონ გრატად  გამოცხადება, რაც ყველასთვის გაფრთხილება იქნება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს