„შრომის უფლებები განმტკიცებულია საქართველოს კონსტიტუციით და  მათ ამის გაგება არ უნდათ“,-ამის შესახებ ფრაქცია „ქართული ოცნების“ თავმჯდომარე მამუკა მდინარაძემ კონსტიტუციური ცვლილებების საყოველთაო-სახალხო განხილვის ჩაშლის შემდეგ ჟურნალისტებს განუცხადა.

„არ ვიცი, ერთად მოქმედებდნენ თუ არა, მაგრამ ფაქტია, იყო ორი სხვადასხვა ჯგუფი, რომელიც სულ სხვადასხვა საკითხს ახმოვანებდა. ეს არ არის ის ფორმატი, როდესაც თუნდაც იმ მიზნებთან მიმართებით, რომელზეც ისინი აპელირებდნენ, შეიძლება რაიმე შედეგი დადგეს. ჩაშლის, პროვოკაციის, არეულობის მოწყობის გზით, არ შეიძლება მიიღოს ვინმემ რაიმე შედეგი. შედეგი მიიღება დიალოგის, კონსესუსის გზით. ჩვენ ვცადეთ, მაქსიმალურად კორექტულად წაგვეყვანა შეხვედრა. შრომის უფლებები განმტკიცებულია საქართველოს კონსტიტუციით, მათ ამის გაგება არ უნდათ , მათ უნდათ იმის გაკეთება, რაც დაიგეგმა დღეს, რაც შესრულდა ძალიან ცუდად, პროვოცირების გზით“,-აღნიშნა მამუკა მდინარაძემ.

ცნობისთვის, ფილარმონიის დარბაზში შეკრებილმა „აუდიტორია115“-ის წარმომადგენლებმა, ასევე გაერთიანება "ქართული მისიის" წევრებმა, ზვიად გამსახურდიას მხარდამჭერებმა, პარლამენტის თავმჯდომარეს კონსტიტუციური ცვლილებების წარდგენის საშუალება არ მისცეს. „აუდიტორია“ 115-ის წევრები კონსტიტუციის დონეზე შრომითი უფლებების გაწერას ითხოვდნენ. სხვების მთავარი მოთხოვნა კი უცხოელებზე  მიწების გასხვისების აკრძალვა იყო. „ქართული მიწა არ იყიდება“, - სკანდირებდნენ ისინი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს