„ერთის მხრივ, ნათლად გამოჩნდა, რომ ხელისუფლებას არ ესმის კარგად ის პრობლემები, რაც აწუხებს საზოგადოებას და მეორეს მხრივ, დადასტურდა, რომ ეს არ არის  ფორმატი, სადაც  შესაძლებელია, რეალურად გავარკვიოთ საზოგადოების დამოკიდებულება საკონსტიტუციო ცვლილებებისადმი“,-ასე შეაფასა „ევროპული საქართველოს“ წევრმა ირაკლი აბესაძემ კონსტიტუციური ცვლილებების საყოველთაო-სახალხო განხილვის ჩაშლის ფაქტი თბილისში.

მისი აზრით, სწორედ ამიტომაა მნიშვნელოვანი „ ევროპული საქართველოს“ შეთავაზების გაზიარება და პლებისციტის  გზით საერთო სახალხო გამოკითხვის ჩატარება:

„რათა რეალურად  გავარკვიოთ, რა დამოკიდებულება აქვს მთლიანად საზოგადოებას და არა მის ცალკეულ ჯგუფებს იმ საკონსტიტუციო ცვლილებებისადმი, რომელმაც მთლიანად უნდა შეცვალოს მომავალში ჩვენი სახელწმიფოს ცხოვრება“,-განაცხადა ირაკლი აბესაძემ.

შეგახსენებთ, დღეს, ფილარმონიაში, კონსტიტუციური ცვლილებების საყოველთაო-სახალხო განხილვა ჩაიშალა. დარბაზში მყოფმა სხვადასხვა  ჯგუფებმა  პარლამენტის თავმჯდომარეს საშუალება არ მისცეს, კონსტიტუციური ცვლილებები წარედგინა. მათ შრომითი უფლებების კონსტიტუციის დონეზე განსაზღვრა მოითხოვეს, ასევე გაჟღერდა  მიწის უცხოელებისთვის მიყიდვის აკრძალვის მოთხოვნაც.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს