საქართველოში ავტოავარიების ერთ-ერთი წამყვანი მიზეზი სიჩქარის გადაჭარბებაა.

ამის შესახებ სასტუმრო „რადისონში“ გაეროს საგზაო უსაფრთხოების მეოთხე გლობალურ  კვირეულთან დაკავშირებით მიმდინარე კონფერენციაზე აღინიშნა. კვირეულის გზავნილია "გაუფრთხილდი სიცოცხლეს, შეანელე!"

"2016 წელს სიჩქარის გადაჭარბებით  1 434 შემთხვევა დაფიქსირდა, რის შედეგადაც 102 ადამისნი დაიღუპა და 2 025-მა პირმა მიიღო დაზიანება. ამავე წელს 200 ათასი ადმინისტრაციული ჯარიმა დაფიქსირდა სიჩქარის გადაჭარბების გამო",-აღნიშნულია ორგანიზაციის „საქართველოს ალიანსი უსაფრთხო გზებისთვის" მიერ გავრცელებულ ინფორმაციაში.

დღევანდელი კონფერენციის  მიზანია, საგზაო უსაფრთხოების სფეროში არსებული გამოწვევებისა და სამომავლო გეგმების განხილვა.

8-14 მაისის კვირის განმავლობაში საქართველოს მასშტაბით  სხვადასხვა სახის საგანმანათლებლო ღონისძიება იგეგმება.

საგზაო უსაფრთხოების კვირეული 100-ზე მეტ ქვეყანაში აღინიშნება და მისი მიზანია, მძღოლების ინფორმირება, რომ მაღალი სიჩქარით  გადაადგილება განსაკუთრებულ რისკს წარმოადგენს ყველა საგზაო მოძრაობის მონაწილისთვის და ზრდის როგორც  ავტოავარიის, ასევე მძიმე დაზიანებებისა და დაღუპვის რისკს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანი ფარულად ემზადება აშშ-სა და ისრაელის წინააღმდეგ ომის გაფართოებისთვის - The Wall Street Journal

The Telegraph: რუსეთმა ნატოს საზღვრებზე „შაჰიდების“ განსათავსებლად 10 ბაზა ააშენა

კრიშტიანუ რონალდუმ და მისმა მეუღლემ, ჯორჯინამ, ქორწილში დემნა გვასალიას კოსტიუმები ჩაიცვეს

ივანიშვილის მთავრობა ზამთრის ოლიმპიადაზე საქართველოს გუნდს ფულად პრიზებს გადასცემს