სუს-ი ოკუპანტების მიერ ე.წ. საზღვრის გადმოწევის ფაქტს არ ადასტურებს

2017-04-28 19:42:20, 2647 ნახვა

სამართალი

სახელმწიფო უსაფრთხოების სამსახური ზუგდიდის რაიონის სოფელ ხურჩასთან ე.წ. საზღვრის გადმოწევასთან დაკავშირებით გავრცელებულ ინფორმაციას არ ადასტურებს.

როგორც „ექსპრესნიუსს“ სუს-ის საზოგადოებასთან ურთიერთობის სამსახურში განუცხადეს, საოკუპაციო ხაზის გადმოწევა არ მომხდარა.

მათივე განმარტებით, ეს არის ბორდერიზაციის პროცესის გაგრძელება.

„საოკუპაციო ხაზის გადმოწევა არ მომხდარა. ბოძები ჩასმულია საოკუპაციო ზოლზე, ეს არის ბორდერიზაციის პროცესის გაგრძელება და სახელმწიფო უსაფრთხოების სამსახური ამ ფაქტზე რეაგირებას მოახდენს ისევე როგორც ყველა შესაბამისი უწყება ყველა დონეზე.

ინფორმაცია უკვე მიწოდებულია ევროკავშირის სადამკვირვებლო მისიისთვის, მათი დამკვირვებლები უკვე იმყოფებოდნენ ადგილზე. საქართველოს ცენტრალური ხელისუფლება ინფორმაციას მიაწოდებს ყველა საერთაშორისო ორგანიზაციას, რომლებიც ამ საკითხებზე მუშაობენ“,-აცხადებენ სახელმწიფო უსაფრთხოების სამსახურში.

გავრცელდა ინფორმაცია, რომ ზუგდიდის რაიონის სოფელ ხურჩაში რუსმა სამხედროებმა საოკუპაციო საზღვარი ცენტრალური ხელისუფლების მიერ კონტროლირებად ტერიტორიაზე გადმოსწიეს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან