თურქეთში საკონსტიტუციო ცვლილებების შედეგებთან დაკავშირებით გამართულ საპროტესტო აქციზე სულ მცირე 49 ადამიანი დააკავეს, - ამის შესახებ Hurriyetdaily იუწყება.

მედია საშუალების ინფორმაციით, აქციის 14 მონაწილე ანტალიაში დააკავეს, სადაც ამომრჩეველთა უმრავლესობამ საკონსტიტუციო ცვლილებებზე "უარი განაცხადა". 

საპროტესტო აქციები ასევე ანკარაში, სტამბოლსა და მარმარისში გაიმართა, თუმცა, ინფორმაცია აქციის მონაწილეების დაკავებებასთან დაკავშირებით არ გავრცელებულა. 

შეგახსენებთ, რომ თურქეთში 16 აპრილს რეფერენდუმი ჩატარდა, რომლის თანახმადაც მოსახლეობა მმართველობის მოდელს ირჩევდა. ამ დროისთვის თურქეთში საკონსტიტუციო ცვლილებების შესახებ ჩატარებულ რეფერენდუმში მონაწილეთა ხმების 99%-ია დათვლილი. საკონსტიტუციო ცვლილებებს მხარს უჭერს 51,34 %, ხოლო წინააღმდეგია 48,66 %. 

ცნობისთვის, თურქეთში ჩატარებული რეფერენდუმის პირველადი შედეგების გამოცხადების შემდეგ, სტამბოლში ასობით ადამიანი საპროტესტო აქციას მართავს.  

თურქეთის ოპოზიცია საკონსტიტუციო ცვლილებებთან დაკავშირებით რეფერენდუმის შედეგების გასაჩივრებას აპირებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამარაში უკრაინელებმა დააზიანეს ცენტრი რომელიც „სოიუზის“ რაკეტების მიკროელექტრონული კომპონენტებს აწყობს

რუსეთში ბენზინის დეფიციტი საწვავის კრიზისის პიკს უბრუნდება

პირადი ცხოვრების ამსახველი ფოტოები უკანონოდ მოიპოვა და გაავრცელა- კახეთში 1 პირი დააკავეს

რუსეთის იუსტიციის სამინისტრომ არაკომერციული ორგანიზაცია „ბათუმის რუსები“ არასასურველად გამოაცხადა