საფრანგეთის საგარეო საქმეთა მინისტრის ჟან-მარკ ეროს განცხადებით, დიდი შვიდეულის მინისტრები რუსეთის წინააღმდეგ ახალი სანქციების დაწესებაზე ვერ შეთანხმდნენ, - ამის შესახებ Reuters იუწყება.

მედია საშუალების ინფორმაციით, რუსეთის წინააღმდეგ ახალი სანქციების დაწესების საკითხი მას შემდეგ დადგა, რაც სირიის პროვინცია იდლიბში ქიმიური იარაღი იქნა გამოყენებული.

ამერიკის შეერთებულმა შტატებმა და ევროკავშირმა მომხდარზე პასუხისმგებლობა ქვეყნის პრეზიდენტ ბაშარ ასადსა და რუსეთის სამხედროებს აკისრებს, რომლებიც სირიის სახელისუფლო ძალებს ეხმარებიან.

აქამდე, დიდი ბრიტანეთის საგარეო საქმეთა მინისტრის ბორის ჯონსონის ინიციატივით, რუსეთის წინააღმდეგ, სირიაში განვითარებული მოვლენების გამო, ახალი სანქციები უნდა დაწესდეს.

ოფიციალური მოსკოვი და დამასკო ბრალდებებს უარყოფენ.

ცნობისთვის, სირიის პროვინცია იდლიბში სავარაუდოდ ბაშარ ასადმა ქიმიური იარაღი გამოიყენა. თავდასხმის შედეგად 89 ადამიანი დაიღუპა, მათ შორის 33 ბავშვი და 19 ქალი. აღნიშნულ ქმედებას აშშ-მა უპასუხეს. ქვეყნის პრეზიდენტის დონალდ ტრამპის გადაწყვეტილებით, ამერიკამ სირიის საავიაციო ბაზაზე თავდასხმა განახორციელა. პრეზიდენტის გადაწყვეტილებით სწორედ საჰაერო ძალებმა სწორედ ის ბაზა ააფეთქეს, რომლიდანაც მოხდა ქიმიური თავდასხმა. ასადმა აშშ-ის ეს ქმედება შეაფასა და აღნიშნა, რომ ეს "სულელური გადაწყვეტილება" იყო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს