თავდაცვის მინისტრის ლევან იზორიას განცხადებით, სოფლის მეურნეობის სამინისტროსთან ერთად, აქტიურად მიმდინარეობს მუშაობა,  რათა ადამიანებს, რომლებსაც ოპტიმიზაცია შეეხოთ, ალტერნატიული დასაქმება შესთავაზონ.

როგორც იზორიამ პარლამენტში, თავდაცვისა და უშიშროების კომიტეტის სხდომაზე განაცხადა, განსაკუთრებით ეს ვეტერანებს ეხება:

„მთელი ეს რიგი ნაბიჯები, რომელიც, რა თქმა უნდა, პირადად ჩემთვისაც, გუნდის ყველა წევრისთვის ნაწილობრივ მტკივნეულია, რადგან როცა ადამიანი კადრების განკარგულებაში გადადის, როდესაც ადამიანი გარკვეული პერიოდი ხელფასის გარეშე რჩება, ბუნებრივია, ეს მტკივნეული გადაწყვეტილებაა ადამიანურად, მაგრამ ისევ მისი დაცვის, მისი ოჯახის  დაცვის ინტერესებიდან გამომდინარე, გრძელვადიან პერსპექტივაში ჩვენი ქვეყნის, მათ შორის ამ ოჯახების განვითარების ინტერესებიდან გამომდინარე, იყო სწორედ აუცილებელი ამ ნაბიჯების გადადგმა, თუმცა ჩვენ ასევე ალტერნატიულ შესაძლებლობებზეც ვფიქრობთ, რომ ვიყოთ სამართლიანი. კერძოდ, სოფლის მეურნეობის სამინისტროსთან ერთად გვაქვს მოსაზრებები, რითაც შეგვიძლია გარკვეული ალტერნატიული დასაქმება შევთავაზოთ, განსაკუთრებით ჩვენს ვეტერანებს. ამაზე მიდის აქტიური მუშაობა. ჩვენც ვართ ამ პროცესში აქტიურად ჩართულები“,-განაცხადა ლევან იზორიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი

კალაძე: პოლიციის მხრიდან ნებისმიერ გადაცდომას ყოველთვის მოყვება შესაბამისი რეაგირება