ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ვიქტორი დოლიძე ოკუპირებულ ცხინვალის რეგიონში ჩატარებულ ე.წ. საპრეზიდენტო არჩევნებსა და რეფერენდუმს გამოეხმაურა.

დოლიძის თქმით, ე.წ. არჩევნებსა და რეფერენდუმს  არავითარი საერთო არ აქვს არჩევნებთან, რეფერენდუმთან და საერთაშორისო სამართალთან.

ოკუპირებულ ტერიტორიაზე ჩატარებულ ე.წ. არჩევნებსა და  რეფერენდუმს სახელმწიფო მინისტრი ერთგვარ „ცირკსაც“ უწოდებს.

„ჩვენი თანამოქალაქეების მოსახლეობის უდიდესი ნაწილი გამოდევნილია როგორც ცხინვალის რეგიონიდან, ასევე აფხაზეთიდან და ეს ტერიტორიები ოკუპირებულია. ამიტომ, ვფიქრობ, საერთაშორისო სამართლებრივი ნორმების ზედმიწევნით დაზუთხვა არ სჭირდება იმას, თუ რაზეა საუბარი. ეს არის ოკუპირებულ ტერიტორიაზე ოკუპანტის მიერ ჩატარებული რაღაც  ერთგვარი, ცირკსაც დავარქმევდი. ამიტომ ამას არავითარი საერთო რეფერენდუმთან და არჩევნებთან არ აქვს. ჩვენ აუცილებლად  დავიბრუნებთ უპირველეს ყოვლისა ამ ხალხს და შემდგომ ტერიტორიებს, მაგრამ ეს მოხდება მშვიდობიანი, ეკონომიკური, რეინტეგრაციული გზით, რაც  ყველაზე მნიშვნელოვანია“, - განუცხადა ჟურნალისტებს ვიქტორ დოლიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი

კალაძე: პოლიციის მხრიდან ნებისმიერ გადაცდომას ყოველთვის მოყვება შესაბამისი რეაგირება