სანქტ-პეტერბურგში 6 ადამიანი დააკავეს, რომლებიც ტერორისტული საქმიანობის ხელშეწყობაში არიან ეჭვმიტანილები, - ამის შესახებ BBC იუწყება.

მედია საშუალების ინფორმაციით, აღნიშნული პირები წარმოშობით ცენტრალური აზიიდან არიან და ისინი ტერორისტული ორგანიზაციებისთვის, კერძოდ კი "ჯებჰატ ან ნუსრასთვის" და "ისლამური სახელმწიფოსთვის" ადამიანების რეკრუტირებას ახორციელებდნენ. 

როგორც მედია წერს, ეჭვმიტანილების საცხოვრებელ ბინებში ჩხრეკა მიმდინარეობს. გამომძიებლების მიერ ამოღებულია ისლამური ექსტრემისტული ლიტერატურა, საგნები და დოკუმენტები, რომლებიც სამართალდამცავების თქმით, გამოძიებისთვის მნიშვნელოვანია.

ამასთან, გამოძიებას ამ ეტაპზე არ აქვს მტკიცებულება, რომ დაკავებულებს რაიმე კავშირი ჰქონდათ იმ პირთან,  რომელმაც 3 აპრილს პეტერბურგის მეტროს ვაგონი ააფეთქა. 

შეგახსენებთ, რომ 3 აპრილს პეტერბურგის მეტროსადგურ "Сенная" და "Технологический институт" შორის აფეთქება მოხდა, რის შედეგადაც 14 ადამიანი დაიღუპა, 51 კი საავადმყოფოშია გადაყვანილი.

მოგვიანებით მეტროსადგურ "Площадь Восстания" ხელნაკეთი ასაფეთქებელი მოწყობილობა აღმოაჩინეს. ამის შემდეგ მეტროს 63-ვე სადგური დაიხურა და მოსახლეობის ევაკუაცია დაიწყო. მთელი ქალაქის მასშტაბით უსაფრთხოების ზომები გაძლიერდა. მომხდარს ტერაქტის კვალიფიკაცია მიენიჭა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს