ერაყელი ძალოვნები ქალაქ მოსულის მკვიდრებს კორიდორებს სთავაზობენ, თუმცა "ისლამური სახელმწიფოს" წევრები მათ ქალაქიდან გაქცევის დროს ზურგში ესვრიან, - ამის შესახებ ერაყის ფედერალური პოლიციის ბრიგადის გენერალმა შაკელ ალ ჰავაჯიმ განაცხადა.

ინფორმაციას "რია-ნოვოსტი" ავრცელებს.

"ჩვენ გვაქვს უსაფრთხო გასასვლელები, რომლის შესახებაც ინფორმაცია მშვიდობიან მოსახლეობას მივაწოდეთ. კორიდორების მეშვეობით ქალაქიდან ხალხი გაგვყავს. თუმცა რაიონებიდან, რომლებსაც "ისლამური სახელმწიფო" აკონტროლებს, ხალხის გამოყვანა ფიზიკურად ვერ ხერხდება. გამოსულ ხალხს, უბრალოდ ზურგში ესვრიან", - აცხადებს გენერალი.

ერაყის არმია და ამერიკის შეერთებული შტატების მეთაურობით შექმნილი კოალიცია მოსულის გათავისუფლების ოპერაციებს 2016 წლის ოქტომბრიდან ახორციელებს. აღნიშნული ოპერაციის შედეგად ტერიტორიის აღმოსავლეთ ნაწილის გათავისუფლება მოხდა. მიმდინარე წლის თებერვალში ქვეყნის პრემიერმა ხაიდერ ალ აბადიმ დასავლეთ ტერიტორიების გათავისუფლების თაობაზე ოპერაციის დაწყება დააანონსა.  24 თებერვალს ერაყის სამთავრობო ძალებმა მოსულში სამხედრო ბაზა დაიბრუნეს და დასახლებული პუნქტების ტერიტორიაზე შესვლა შეძლეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს