ამერიკის შეერთებული შტატების სახელმწიფო მდივნის რექს ტილერსონის განცხადებით, "რუსეთის აგრესიისთვის" წინააღმდეგობის გაწევა ჩრდილოატლანტიკური ალიანსის ერთ-ერთი მთავარი ამოცანაა, - ამის შესახებ აშშ-ის სახელმწიფო მდივანმა, ბრიუსელში ნატო-ს სამიტზე განაცხადა. 

როგორც ტილერსონმა აღნიშნა, ნომერ პირველი ამოცანა "ისლამურ სახელმწიფოსთან" ბრძოლა და ტერორიზმზე გამარჯვებაა. 

„ამოცანების სიის პირველ ნომრად „ისლამურ სახელმწიფოზე“ გამარჯვება უნდა იყოს, ვინაიდან ის საფრთხეს წარმოადგენს ნატო-ს ყველა წევრი ქვეყნისთვის და ალიანსის პარტნიორებისთვის. მაგრამ, ალიანსის ერთ-ერთ მთავარ ამოცანად რუსეთის აგრესიისთვის წინააღმდეგობის გაწევა უნდა დარჩეს. იმ აგრესიის, რომელსაც რუსეთი უკრაინასა და სხვა ქვეყნებში ახორციელებს“, - დასძინა რექს ტილერსონმა. 

აშშ-ის სახელმწიფო მდივანმა ასევე აღნიშნა, რომ ნატო-ს ყველა წევრმა ქვეყანამ ნატო-ს თავდაცვით ბიუჯეტში მშპ-ის 2% უნდა გამოყონ. 

შეგახსენებთ, რომ ბრიუსელში ნატო-ს წევრი ქვეყნების საგარეო საქმეთა მინისტრების შეხვედრა მიმდინაროებს. შეხვედრას ალიანსის გენერალური მდივანი იენს სტოლტენბერგი მასპინძლობს. აშშ-ის სახელმწიფო მდივანი აღნიშნულ შეხვედრას პირველად ესწრება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს