თურქეთის პრეზიდენტის რეჯეპ ტაიფ ერდოღანის განცხადებით, 16 აპრილს დაგეგმილი რეფერენდუმის შემდეგ, რომელიც საკონსტიტუციო ცვლილებებს გულისხმობს, ქვეყანა ყოველმხრივ და დეტალურად ევროპის ქვეყნებთან ურთიერთობებს განიხილავს, - ამის შესახებ სააგენტო Anadolu იუწყება. 

როგორც ერდოღანმა ანკარაში სიტყვით გამოსვლისას აღნიშნა, რეფერენდუმის შემდეგ სულ სხვა, ახალი თურქეთი იქნება.  ქვეყნის პრეზიდენტმა ასევე განაცხადა, რომ თურქეთი ნიდერლანდებს პასუხს მოსთხოვს. 

„თურქეთი პასუხს მოითხოვს მასზე წნეხის განხორციელების მცდელობებზე. ჩვენ ასევე მოვითხოვთ პასუხს ჩვენი დიასპორის წარმომადგენლებთან მიმართებაში უხეშ მოპყრობაზე, რომლებსაც ჰოლანდიელი პოლიციელები ძალის გამოყენებით მიათრევდნენ“, - განაცხადა თურქეთის პრეზიდენტმა. 

მისი თქმით, რიგი ევროპული ქვეყნების ხელისუფლებებმა ყველაფერი გააკეთეს, რათა ჩაეშალათ თურქეთის ხელისუფლების ოფიციალური პირების მონაწილეობით ჩასატარებელი ღონისძიებები. 

თურქეთის პრეზიდენტმა აღნიშნა, რომ ევროპა შესაძლო გაწევრიანების საბაბით თურქეთზე გავლენის მოხდენას  ვერ შეძლებს. 

„მეტი ვერაფრით ვერ დაგვემუქრებიან, ვერც ევროკავშირში გაწევრიანებით და ვერც „რეადმისიის შესახებ“ შეთანხმებით. ეს დრო დასრულდა. 16 აპრილს მმართველობის საპრეზიდენტო ფორმაზე გადავალთ და სრულიად ახალი თურქეთი გაჩნდება. წლების განმავლობაში ევროკავშირი თავის კრიტერიუმებზე მიგვითითებდა, ახლა კი თვითონ თელავენ თავიანთ კრიტერიუმებს. 16 აპრილის რეფერენდუმის შემდეგ მოლაპარაკებების მაგიდას მივუსხდებით, დავილაპარაკებთ. როგორც ახლა, ასე საქმე ვერ გაგრძელდება“, - დასძინა რეჯეფ ტაიფ ერდოღანმა. 

ამასთან, ერდოღანის თქმით, ევროპა "ყველაზე რასისტული, ფაშიტური და ბოროტი გახდა მეორე მსოლიო ომის შემდეგ". 

შეგახსენებთ, რომ საქმე თურქეთის საგარეო საქმეთა მინისტრს, მევლუთ ჩავუშოღლულსა და ოჯახის საქმეთა და სოციალური პოლიტიკის მინისტრს ფატმა ბეტიულ საია კაიას ეხება. ჰოლანდიის ხელისუფლებამ მათ ქვეყანაში შესვლის უფლება არ მისცა, როცა ისინი ნიდერლანდებში მცხოვრებ თურქებთან დაგეგმილი რეფედენდუმის საკითხზე შეხვედრას აპირებდნენ. ოფიციალურმა ანკარამ მომხდარის გამო ამსტერდამისგან ბოდიშის მოხდა მოითხოვა, თუმცა ჰოლანდიის ხელისუფლება ბოდიშის მოხდას არ აპირებს. ჰოლანდიამდე თურქულ დიასპორასთან შეხვედრაზე უარი ოფიციალური ანკარის წარმომადგენლებს გერმანიამ, ავსტრიამ და შვედეთმაც უთხრეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს