Wikileaks-ი ფარული მიყურადების შესახებ მორიგ სკანდალურ ინფორმაციას აქვეყნებს, - ამის შესახებ BBC იუწყება.

მედია საშუალების ინფორმაციით, ამჯერად ორგანიზაციის სამიზნე, ამერიკის შეერთებული შტატების დაზვერვის ცენტრალური სააგენტო გახდა. 

როგორც Wikileaks-ში აცხადებენ, ისინი ათასობით დოკუმენტს გაასაჯაროვებენ, რომლებიც დაზვერვის სააგენტოს მიერ ტელეფონის, ტელევიზორისა და კომპიუტერის საშუალებით მასობრივ თვალთვალს ადასტურებს. 

გამოქვეყნებული დოკუმენტების პირველი ნაწილის თანახმად, ცენტრალური სადაზვერო უწყება კომპიუტერული ვირუსების საშუალებით, Windows, Android, iOS, OSX, Linux-სა და „ინტერნეტ როუტერების” ოპერაციულ სისტემებში აღწევს. 

ეს ვირუსები ამერიკელი და ბრიტანელი სპეციალისტების მიერ არის შემუშავებული. დოკუმენტებიდან ირკვევა, რომ 2014 წლის ივნისიდან, სამსუნგის ე.წ სმარტ ტელევიზორებისთვის სპეციალური პროგრამა დაიწერა, რომელიც გამორთულ რეჟიმში ოთახში მიმდინარე საუბარს იწერს, ჩართვის შემდეგ კი Wifi-ის მეშვეობით, მათ დაზვერვის სერვერებზე აგზავნის. iPhone-სა და iPad-სთვის საგანგებო განყოფილებაც კი შეიქმნა, რომელიც ობიექტის ადგილმდებარეობის დადგენას, მოწყობილობის ვიდეოკამერისა და მიკროფონის გააქტიურებასა და მიმოწერასთან წვდომას უზრუნველყოფდა. 

გარდა ამისა, დაზერვას Whatsapp და სხვა პროგრამების საშუალებით განხორციელებული მიმოწერის წაკითხვის საშუალება აქვს. 

მედიის ცნობით, Wikileaks-ი მოპოვებული დოკუმენტების გამოქვეყნებას ეტაპობრივად გეგმავს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს

ISW: უკრაინის შეიარაღებულმა ძალებმა იანვრის ბოლოდან უკრაინის ტერიტორიის 600 კვადრატულ კილომეტრზე მეტი გაათავისუფლეს

პუტინი უკრაინასთან ერთად, მოლდოვას დაპყრობის ოპერაციას ამზადებს -New York Times