ამერიკის შეერთებული შტატების პრეზიდენტმა დონალდ ტრამპმა ახალ საიმიგრაციო განკარგულებას მოაწერა ხელი, - ამის შესახებ BBC იუწყება. 

მედია საშუალების ინფორმაციით, შესწორებების შედეგად 7 მუსლიმური ქვეყნის სიიდან, რომელთა მოქალაქეებისთვისაც შტატების ტერიტორიაზე შესვლა იზღუდებოდა, ერაყი ამოიღეს. 

მედიის ცნობით, სიაში კვლავ რჩება ირანი, ლიბია, სირია, სომალი, სუდანი და იემენი, რომელთა მოქალაქეებსაც მომდევნო 90 დღის განმავლობაში ამერიკის ტერიტორიაზე მოხვედრა ეკრძალებათ. 

როგორც BBC წერს, ახალი განკარგულება ძალაში 16 მარტიდან შევა. გავრცელებული ინფორმაციით, სიიდან ერაყის ამოღება ქვეყნის მიერ შემოწმების ახალი პროცედურების შემოღებასა და ამერიკულ მხარესთან ტერორიზმის წინააღმდეგ თანამშრომლობას უკავშირდება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს

ISW: უკრაინის შეიარაღებულმა ძალებმა იანვრის ბოლოდან უკრაინის ტერიტორიის 600 კვადრატულ კილომეტრზე მეტი გაათავისუფლეს

პუტინი უკრაინასთან ერთად, მოლდოვას დაპყრობის ოპერაციას ამზადებს -New York Times