ამერიკის შეერთებული შტატების რესპუბლიკელი სენატორის მარკო რუბიოს ინიციატივით, ვაშინგტონში ქუჩას სადაც რუსეთის საელჩო მდებარეობს შესაძლოა ბორის ნემცოვის სახელი დაარქვან, - ამის შესახებ ინფორმაცია სენატორის ოფიციალურ ვებ-გვერდზეა გამოქვეყნებული. 

მარკო რუბიო ქუჩისთვის "ბორის ნემცოვის პლაზას" დარქმევას მოითხოვს, ინიციატივას კი ოპოზიციონერი პოლიტიკოსის ხსოვნას და ყველა იმ რუს მოქალაქეს უძღვნის, ვინც რუსეთში დემოკრატიისა და ნემცოვის მკვლელობის საქმის გახსნისთვის იბრძვის.

„"ბორის ნემცოვის პლაზა" ყოველთვის შეახსენებს პუტინის რეჟიმსა და რუსს ხალხს, რომ რუსი დისიდენტების ხმა ცოცხალია და თავისუფლების დამცველები არ გაჩუმდებიან", - განაცხადა რუბიომ. 

შეგახსენებთ, რომ 2015 წლის 27 თებერვალს ოპოზიციონერი ბორის ნემცოვი კრემლის მახლობლად, სეირნობის დროს მოკლეს. პოლიტიკოსის მკვლელობას მრავალი საპროტესტო აქცია მოჰყვა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ISW: უკრაინის შეიარაღებულმა ძალებმა იანვრის ბოლოდან უკრაინის ტერიტორიის 600 კვადრატულ კილომეტრზე მეტი გაათავისუფლეს

პუტინი უკრაინასთან ერთად, მოლდოვას დაპყრობის ოპერაციას ამზადებს -New York Times

თურქეთმა შავი ზღვის გავლით რუსული ნავთობის შესყიდვები შეაჩერა

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს