„ბილაინი“ ფარულ საგამოძიებო მოქმედებებთან დაკავშირებული საკანონმდებლო პაკეტის განხილვას ეხმაურება

2017-02-22 22:55:14, 1797 ნახვა

საზოგადოება

კომპანია "ბილაინი" პარლამენტში ფარულ საგამოძიებო მოქმედებებთან დაკავშირებული საკანონმდებლო პაკეტის განხილვასთან დაკავშირებით განცხადებას ავრცელებს.

როგორც განცხადებაში ვკითხულობთ, კომპანია მიიჩნევს, რომ უნდა შეიქმნას სამუშაო ჯგუფი რომელიც დაკომპლექტდება ყველა დაინტერესებული მხარის წარმომადგენლით და მოხდება საკანონმდებლო ცვლილებებთან დაკავშირებული ყველა საკითხებზე საბოლოო პოზიციების შეჯერება-შეთანხმება.

"საქართველოს პარლამენტის მიერ პირველი მოსმენით ფარულ საგამოძიებო მოქმედებებთან დაკავშირებით საკანონმდებლო პაკეტის განხილვა ავტორიზებული პირების , რომლებსაც უშაულოდ შეეხებათ ასამოქმედებლი კანონპროექტი ჩართულობის გარეშე მიმდინარეობს.

აღნიშნული საკანონმდებლო პაკეტი გულისხმობს ახალი რეგულაციების და ვალდებულებების შემოღებას ყველა ავტორიზებული პირებისთვის,რაც მნიშვნელოვან ნეგატიურ გავლენას მოახდენს როგორც ელექტრონული კომუნიკაციების სფეროში ავტორიზებული პირის საქმიანობაზე, ვალდებულებებზე, ასევე ბიზნესის განვითარების სამომავლო გეგმებზეც.

აქედან გამომდინარე ბილაინს მიაჩნია, რომ უნდა შეიქმნას სამუშაო ჯგუფი რომელიც დაკომპლექტდება ყველა დაინტერესებული მხარის წარმომადგენლით და მოხდება საკანონმდებლო ცვლილებებთან დაკავშირებული ყველა საკითხებზე საბოლოო პოზიციების შეჯერება-შეთანხმება", - ნათქვამია განცხადებაში.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან