დეკანოზ გიორგი მამალაძის საქმის ერთ-ერთი მოწმის, ადვოკატ ირმა ჭკადუას განცხადებით, ის 2 თუ 3 დღის წინ დაიკითხა, თუმცა, გაუხმაურებლობის დოკუმენტზე ხელმოწერის გამო, ის საქმის დეტალებზე ვერ საუბრობს.

როგორც ჭკადუამ განმარტა, ეს ძალიან სენსიტიური საქმეა. მისივე თქმით, ის მამა გიორგი მამალაძეს პირადად არ იცნობს.

"მე დამიბარა საგამოძიებო ორგანომ. გიდასტურებთ, რომ ვარ მოწმე. ეს არის ძალაინ სენსიტიური საქმე. მოწმის სტატუსით 2-3 დღის წინ დამკითხეს. თუმცა გაუხმაურებლობის დოკუმენტზე ხელმოწერის გამო საქმის დეტალებზე ვერ ვისაუბრებ", - განაცხადა ჭკადუამ. 

ცნობისთვის, აღნიშნულ საქმესთან დაკავშირებით კიდევ ერთი მოწმე, ჟურნალისტი ირაკლი მამალაძეა. 

შეგახსენებთ, რომ 10 თებერვალს საქართველოს პროკურატურის თანამშრომლებმა ჩატარებული საგამოძიებო მოქმედებების შედეგად მკვლელობის მომზადების ფაქტზე ბრალდებულის სახით დეკანოზი გიორგი მამალაძე დააკავეს. პროკურატურის ცნობით, გამოძიების ამ ეტაპზე მოპოვებული მტკიცებულებებით ირკვევა, რომ მამალაძე ამზადებდა მაღალი იერარქიის სასულიერო პირის მკვლელობას, სწორედ ამ მიზნით შეიძინა მან გამოძიებით ამ ეტაპზე დაუდგენელი პირისგან შხამიანი ნივთიერება - ციანიდი. გამოძიება 108 მუხლით მიმდინარეობს. პროკურატურის შუამდგომლობის საფუძველზე თბილისის საქალაქო სასამართლოს განჩინებით გიორგი მამალაძეს აღკვეთის ღონისძიების სახით პატიმრობა შეეფარდა. ბრალდებული დუმილის უფლებას იყენებს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ISW: უკრაინის შეიარაღებულმა ძალებმა იანვრის ბოლოდან უკრაინის ტერიტორიის 600 კვადრატულ კილომეტრზე მეტი გაათავისუფლეს

პუტინი უკრაინასთან ერთად, მოლდოვას დაპყრობის ოპერაციას ამზადებს -New York Times

თურქეთმა შავი ზღვის გავლით რუსული ნავთობის შესყიდვები შეაჩერა

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს