რუსეთის პრეზიდენტის პრესმდივანმა დიმიტრი პესკოვმა განაცხადა, რომ რუსეთი აშშ-სთან ყირიმის დაბრუნებაზე საუბარს  არ აპირებს, - ამის შესახებ BBC იუწყება.

"ეს საკითხი არ განიხილება. რუსეთი არ განიხილავს თავისი ტერიტორიების საკითხებს დასავლურ პარტნიორებთან", - აღნიშნა პესკოვმა. 

ცნობისთვის, ჟურნალისტებმა პესკოვს ეს შეკითხვა ტრამპის პრესმდივან სპაისერის კომენტარის შემდეგ დაუსვეს.

სპაისერის თქმით, "პრეზიდენტმა ტრამპმა მკაფიოდ აღნიშნა, რომ ის ელოდება როდის მოახდენს რუსეთი ძალადობის დეესკალაციას უკრაინაში და დააბრუნებს ყირიმს. გარდა ამისა, აშშ-ის პრეზიდენტს სურს, რომ რუსეთთან მშვიდი პოლიტიკური ურთიერთობა ჰქონდეს".

პესკოვის თქმით, უახლოეს მომავალში კრემლი ამ საკითხზე ტრამპს თავის პოზიციას აუცილებლად გააცნობს. 

"გვინდა ჩვენი არგუმენტები წარმოვადგინოთ და ვიმედოვნებთ, რომ მსგავსი საუბრის შესაძლებლობა უახლოეს მომავალში გვექნება", - განაცხადა პესკოვმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ISW: უკრაინის შეიარაღებულმა ძალებმა იანვრის ბოლოდან უკრაინის ტერიტორიის 600 კვადრატულ კილომეტრზე მეტი გაათავისუფლეს

პუტინი უკრაინასთან ერთად, მოლდოვას დაპყრობის ოპერაციას ამზადებს -New York Times

თურქეთმა შავი ზღვის გავლით რუსული ნავთობის შესყიდვები შეაჩერა

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს