საზოგადოებრივი მაუწყებლის ახალი და მიმდინარე ამბების ბლოკის ხელმძღვანელი გიორგი გვიმრაძე საზოგადოებრივ მაუწყებელში გუშინ განვითარებულ მოვლენებს გამოეხმაურა.

გვიმრაძის თქმით, საზმაუს შენობაში შემოჭრის ფაქტი ძალიან ცუდია. მან ყველას, მათ შორის საზოგადოებრივი მაუწყებლის თანამშრომლებს, მოუწოდა, გაიაზრონ პასუხისმგებლობა, რათა ეს პროცესი მათთვის უმართავ პროცესად არ გადაიქცეს:

"ძალიან ცუდი მოვლენა მოხდა, მრავალი ახალგაზრდა შემოიჭრა საზოგადოებრივ მაუწყებელში და მოითხოვეს პირდაპირი ეთერი. ძალიან ცუდი ფაქტია და მგონია, ამას შეფასება სჭირდება თქვენი მხრიდანაც", -აღნიშნა გიორგი გვიმრაძემ არასამთავრობო ორგანიზაციების წარმომადგენლებთან და მედია ექსპერტებთან შეხვედრაზე.

ცნობისთვის, გუშინ, საზოგადოებრივი მაუწყებლის მხარდამჭერები ტელევიზიის შენობაში შეიჭრნენ.   ისინი პრობლემების შესახებ ღია დიალოგს, ასევე 5 წუთიან ეთერს ითხოვდნენ, რომ ჟურნალისტებისთვის სოლიდარობა გამოეცხადებინათ.

საზოგადოებრივი მაუწყებლის აღმასრულებელმა საბჭომ მომხდარ ფაქტს საგანგაშო სიგნალი უწოდა, რომელიც მათივე შეფასებით, ტელევიზიის შემდგომ ნორმალურ ფუნქციონირებას საფრთხეს უქმნის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს