ანა ნაცვლიშვილი: კომისიაში არის მსჯელობა, რომ პრეზიდენტს შესაძლოა, გარკვეული უფლებამოსილებები შეუმცირდეს

2017-01-28 20:05:49, 2033 ნახვა

კომენტარი

ახალგაზრდა იურისტთა ასოციაციის ხელმძღვანელის, ანა ნაცვლიშვილის განცხადებით, დღევანდელ შეხვედრაზე პრეზიდენტის უფლებამოსილებებთან დაკავშირებით ინტენსიური მსჯელობა იყო, თუმცა საბოლო გადაწყვეტილებები არ მიღებულა.

როგორც ნაცვლიშვილმა ჟურნალისტებს განუცხადა, ტენდენცია მიდის იქით, რომ პრეზიდენტის გარკვეული უფლებამოსილებები შესაძლოა, შემცირდეს.

„მაგალითად საუბარია ელჩების დანიშვნის უფლებამოსილებაზე, რომელიც დღეს კონსტიტუციით მხოლოდ პრეზიდენტის გამგებლობას მიკუთვნებული საკითხი არ არის, მას ისედაც სჭირდება ამ საკითხზე მთავრობასთან შეთანხმება. მაგრამ გამოითქვა მოსაზრებები, რომ კიდევ იქნება ამ მიმართულებით სხვა დამზღვევი მექანიზმების დამატება“, - განაცხადა ანა ნაცვლიშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან