გვენეტაძე: სრული პასუხისმგებლობით ვაცხადებთ, სასამართლო თავისუფალია პოლიტიკური ზეგავლენისგან

2017-01-14 16:07:23, 2579 ნახვა

სამართალი კომენტარი

უზენაესი სასამართლოს თავმჯდომარის ნინო გვენეტაძის განცხადებით, სასამართლო პოლიტიკური ზეგავლენისგან თავისუფალია.

ამის შესახებ გვენეტაძემ მოსამართლეთა მე-19 კონფერენციის დაწყებამდე ჟურნალისტებს განუცხადა.

„სასამართლოში გახმაურებული საქმეები, სადაც საზოგადოებრივი ინტერესი მაღალია, მუდმივად არსებობს. ამ შემთხვევაში ჩვენ საპროცესო კანონმდებლობით დადგენილი წესით უზრუნველვყოფთ პროცესის გამჭვირვალობას და სრული პასუხისმგებლობით ვაცხადებთ, რომ სასამართლო თავისუფალია პოლიტიკური ზეგავლენისგან, როგორც სახელისუფლებო შტოების მხრივ, ასევე სხვა ფორმალური ზეგავლენისგან“,- განაცხადა ნინო გვენეტაძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან