სასჯელაღსრულებისა და პრობაციის სამინისტროს N11 არასრულწლოვანთა სარეაბილიტაციო დაწესებულების მსჯავრდებულებმა ხეზე კვეთის კურსი დაასრულეს.

კურსის გავლის დამადასტურებელი სერტიფიკატების გადაცემას სასჯელაღსრულებისა და პრობაციის და სპორტისა და ახალგაზრდობის საქმეთა სამინისტროების წარმომადგენლები დაესწრნენ. კურსის მონაწილე არასრულწლოვან მსჯავრდებულებს სერტიფიკატები სპორტის სამინისტროს წარმომადგენლებმა - ნუგზარ კანდელაკმა და შორენა შიუკაშვილმა გადასცეს.

სასჯელაღსრულებისა და პრობაციის სამინისტროს სოციალური უზრუნველყოფის სამმართველოს უფროსის ლეილა აფციაურის შეფასებით, მსგავსი სახის სასწავლო და პროფესიულ კურსებში ჩართვა არასრულწლოვანი მსჯავრდებულებისთვის განსაკუთრებით მნიშვნელოვანია და მათ რესოციალიზაციას უწყობს ხელს.

„სასჯელაღსრულებისა და პრობაციის და სპორტისა და ახალგაზრდობის საქმეთა სამინისტროები არაერთი მიმართულებით წარმატებით თანამშრომლობენ, რაც უპირველესად, არასრულწლოვანი მსჯავრდებულების რეაბილიტაცია-რესოციალიზაციას უწყობს ხელს“, - განაცხადა ლეილა აფციაურმა და იმედი გამოთქვა, რომ წარმატებული თანამშრომლობა ერთობლივი პროექტების სახით მომავალშიც გაგრძელდება.

ხეზე კვეთის კურსები არასრულწლოვანი მსჯავრდებულებისთვის  სპორტისა და ახალგაზრდობის საქმეთა სამინისტროს მხარდაჭერით და სასჯელაღსრულებისა და პრობაციის სამინისტროს ხელშეწყობით, საქველმოქმედო-ჰუმანიტარულმა ცენტრმა „აფხაზეთმა“ წარმართა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობა ფარტენაძის თქმით, მას ბათუმში თავს კიდევ ერთხელ დაესხნენ

შსს - დავაკავეთ 3 პირი, რომლებიც ცივი იარაღის მუქარით, ორ მოქალაქეს სხვადასხვა ბანკიდან ონლაინ სესხის აღებას აიძულებდნენ

ავტომობილის ქურდობის ბრალდებით, 2 პირი, მათ შორის, ერთი არასრულწლოვანი დააკავეს

მოსკოვის რეგიონში Wildberries-ის უდიდეს საწყობს დრონით თავდასხმის შემდეგ ცეცხლი გაუჩნდა