ანკარაში აშშ-ის საელჩოსთან, რუსეთის ელჩის ანდრეი კრილოვის მკვლელობიდან რამდენიმე საათში სროლა მოხდა, - ამის შესახებ თურქული მედია იუწყება.

მედია საშუალების ინფორმაციით, სროლის დროს არავინ დაშავებულა. 

როგორც თურქული მედია იტყობინება, მომხდარი სროლის შემდეგ თურქეთში ამერიკული დიპლომატიური მისიები დაიხურა. 20 დეკემბერს უსაფრთხოების მიზნით ანკარაში მდებარე საელჩო, ასევე საკონსულოები სტამბოლსა და ადანაში არ იმუშავებს. 

ანკარაში აშშ-ის დიპლომატიური წარმომადგენლობა თურქეთში მყოფ ამერიკელებს სიფრთხილისკენ მოუწოდებს.

ამასთან, BBC-ის ცნობით, გვაინ ღამით სამართალდამცველებმა საელჩოსთან სროლაში ბრალდებული მამაკაცი დააკავეს. 

სამართალდამცველების თქმით, მამაკაცმა ჰაერში 8-9 ჯერ გაისროლა, რის შემდეგაც ის დააკავეს. ინციდენტის დროს მამაკაცი ყვიროდა “ნუ გვეთამაშებით”.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ISW: უკრაინის შეიარაღებულმა ძალებმა იანვრის ბოლოდან უკრაინის ტერიტორიის 600 კვადრატულ კილომეტრზე მეტი გაათავისუფლეს

პუტინი უკრაინასთან ერთად, მოლდოვას დაპყრობის ოპერაციას ამზადებს -New York Times

თურქეთმა შავი ზღვის გავლით რუსული ნავთობის შესყიდვები შეაჩერა

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს