გენერალურმა პროკურატურამ უკრაინის პრეზიდენტი პეტრო პოროშენკო დაკითხვაზე დაიბარა, - ამის შესახებ ინფორმაციას Interfax-ი ავრცელებს.

როგორც მედია საშუალება წერს, საქმე 2014 წელს იანვარ-თებერვალში ევრომაიდანის აქტივისტების მიმართ ჩადენილ დანაშაულს ეხება.

უკრაინის გენერალური პროკურატურის სპეციალური გამოძიების დეპარტამენტის ხელმძღვანელის, სერგეი გორბატიუკის განცხადებით, პრეზიდენტს უწყება 29 ნოემბრისთვის გადაეგზავნა. თუმცა მისივე თქმით, პოროშენკო დაკითხვაზე ჯერ არ გამოცხადებულა.

მედიის ცნობით, პოროშენკო დასაკითხად მოწმის სტატუსით არის დაბარებული. ამასთან, პრეზიდენტის გარდა მოწმის სტატუსით არიან დაბარებულები მაღალჩინოსნებიც, რადას თავმჯდომარე ანდრეი პარუბი, ყოფილი პრემიერ-მინისტრი არსენი იაცენიუკი, კიევის მერი ვიტალი კლიჩკო და სხვები.

ამასთან, პოროშენკოს პრესსპიკერის სვეტოსლავ ცეგოლკოს განცხადებით, პრეზიდენტი დაკითხვაზე მას შემდეგ მივა, რაც ოფიციალურ უწყებას მიიღებს.

გორბატიუკის თქმით, იაცენიუკი და კლიჩკო დაკითხვაზე დაბარების მიუხედავად პროკურატურაში არ მიდიან, მაშინ როდესაც პრეზიდენტი დაკითხვაზე მისასვლელად თავისუფალ დროს ვერ ნახულობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს

“რომელი ბრენდი იმსახურებს ჩემპიონს?“ - საქართველოს ბანკის ახალი კამპანია პარალიმპიელი ჩემპიონებისთვის ახალი შესაძლებლობების შესაქმნელად

sCool Card-ით სასკოლო ფორმის შეძენაზე მოსწავლეები 30%-მდე ქეშბექს მიიღებენ

"ლელო-ძლიერი საქართველო": გასული 34 წლის მანძილზე საქართველოს ტერიტორიაზე მომხდარ ყველა შეიარაღებულ კონფლიქტში ჩვენი ქვეყანა მუდამ იცავდა საკუთარ სახელმწიფო ინტერესებს