ავღანეთის ჩრდილოეთ ნაწილში, ქალაქ მაზარი-შარიფში გერმანიის საკონსულოსთან აფეთქება მოხდა, რის შედეგადაც 4 ადამიანი გარდაიცვალა, 120 კი დაშავდა, - ამის შესახებ ALJAZEERA-ი იუწყება.

მედია საშუალების ინფორმაციით, დანაღმული ავტომობილი საკონსულოს შენობის კედელს შეეჯახა.

როგორც ნატო-ში განაცხადეს, საერთაშორისო კოალიციის სამხედროები მომხდარს იძიებენ.

სოციალურ ქსელებში გავრცელებული ინფორმაციით, საკონსულოს შენობის თავზე ვერტმფრენები დაფრინავენ. ადგილზე მობილიზებულია სასწრაფო დახმარების მანქანები.

მედიის ცნობით, საკონსულოზე თავდასხმა გერმანიის საგარეო საქმეთა სამინისტროში დაადასტურეს.

თავდასხმაზე პასუხისმეგლობა მოძრაობა “თალიბანმა” აიღო. თალიბი-მებრძოლების თქმით, აფეთქება იყო პასუხი, ყუნდუზის პროვინციაში აშშ-ის მიერ განხორციელებულ ავიადარტყმაზე, რომელსაც მშვიდობიანი მცხოვრებლები ემსხვერპნენ.

მედიაში გავრცელებული მონაცემებით, ავიადარტყმას 30-ზე მეტი ადამიანი ემსხვერპლა, მათ შორის ბავშვები.

შეგახსენებთ, რომ პენტაგონმა საჰაერო იერიშის შედეგად მშვიდობიან მოსახლეობას შორის მსხვერპლი დაადასტურა, თუმცა უწყებას დაღუპულთა რაოდენობა არ დაუკონკრეტებია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს

“რომელი ბრენდი იმსახურებს ჩემპიონს?“ - საქართველოს ბანკის ახალი კამპანია პარალიმპიელი ჩემპიონებისთვის ახალი შესაძლებლობების შესაქმნელად

sCool Card-ით სასკოლო ფორმის შეძენაზე მოსწავლეები 30%-მდე ქეშბექს მიიღებენ

"ლელო-ძლიერი საქართველო": გასული 34 წლის მანძილზე საქართველოს ტერიტორიაზე მომხდარ ყველა შეიარაღებულ კონფლიქტში ჩვენი ქვეყანა მუდამ იცავდა საკუთარ სახელმწიფო ინტერესებს