ინდონეზიის კუნძულ ბალისთან ტურისტული ბორანი აფეთქედა, რის შედეგადაც 1 ადამიანი გარდაიცვალა, 20-მდე კი დაშავდა, - ამის შესახებ ინფორმაციას BBC ავრცელებს.

როგორც ადგილობრივ პოლიციაში განაცხადეს, გარდაცვლილი გერმანელი ტურისტია.

ჯერჯერობით უცნობია, რა გახდა აფეთქების მიზეზი, თუმცა ხელისუფლება აცხადებს, რომ ბორანზე ბომბი არ აფეთქებულა.

მედია საშუალების ინფორმაციით, ბორანზე ეკიპაჟის ოთხი წევრი და 30-მდე მგზავრი იმყოფებოდა, ყველა მათგანი უცხოელი იყო. ხომალდი კუნძულ ჯილი ტრავანგანისკენ მიემართებოდა. სააგენტო “ფრანს პრესის” ცნობით, მგზავრებს შორის იყვნენ ბრიტანეთის 17 მოქალაქე, ასევე საფრანგეთის, იტალიის, პორტუგალიის, ირლანდიისა და ესპანეთის მოქალაქეები.

აფეთქება მაშინ მოხდა, როდესაც ბორანმა სანაპიროდან 200 მეტრის მანძილი გაიარა.

ცნობისთვის, 2016 წლის მარტში კუნძულ ბალისთან სამგზავრო ბორანი ჩაიძირა, რომლის ბორტზე 50-ზე მეტი მგზავრი იმყოფებოდა. მათი უმრავლესობა გადარჩა. რამდენიმე ადამიანი კი დღემდე უგზო-უკვლოდ დაიკარგა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო