აშშ-ის რესპუბლიკური პარტიის პრეზიდენტობის კანდიდატის დონალდ ტრამპის განცხადებით, არჩევნებში გამარჯვების შემთხვევაში, მას რუსეთის პრეზიდენტთან, ვლადიმერ პუტინთან “ძალიან კარგი ურთიერთობები” ექნება, - ამის შესახებ დონალდ ტრამპმა ვეტერანების ფორუმზე სიტყვით გამოსვლისას განაცხადა.

ამერიკელმა მილიარდერმა აღნიშნა, რომ რუსეთში ვლადიმერ პუტინის რეიტინგი 82% შეადგენს.

“ვფიქრობ, რადგან მან მე ბრწყვინვალე მიწოდა, მე ამ კომპლიმენტს მივიღებ. ვფიქრობ, მასთან ურთიერთობების დალაგებას შევძლებ. რუსეთის სისტემის ფარგლებში ის ბევრად უკეთესი ლიდერი იყო, ვიდრე ჩვენი პრეზიდენტი”, - განაცხადა ტრამპმა.

დეკემბერში ჟურნალისტებთან შეხვედრისას ვლადიმერ პუტინმა განაცადა, რომ დონალდ ტრამპი “ბრწყინვალე და ნიჭიერი ადამიანია”.

პრეზიდენტობის რესპუბლიკელმა კანდიდატმა ასევე განაცხადა, რომ ყოველთვის ეწინააღმდეგებოდა ერაყში ჯარების შეყვანას.

“გავიგე, ჰილარი კლინტონი ამბობდა, რომ მე ერაყის ომის წინააღმდეგი არ ვყოფილვარ. მე ერაყის ომის აბსოლუტურად წინააღმდეგი ვიყავი. მე ვამბობდი, რომ ის ახლო აღმოსავლეთში ვითარების სრულ დესტაბილიზაციას ახდენს”, - განაცხადა ტრამპმა.

აღსანიშნავია, რომ ინტერნეტ-პორტალ Buzzfeed-ის ჟურნალისტებმა ჯერ კიდევ თებერვალში გამოაქვეყნეს ჩანაწერი, სადაც ტრამპი ამბობს, რომ ერაყში ჯარის შეყვანას მხარს უჭერს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო