ლონდონის აეროპორტმა კომპიუტერული სისტემის ხარვეზისა და საპროტესტო აქციის გამო მუშაობა შეაჩერა

2016-09-06 16:33:23, 2273 ნახვა

მსოფლიო

ლონდონ სიტის აეროპორტმა მუშაობა დროებით შეაჩერა, - ამის შესახებ BBC იუწყება.

როგორც მედია საშუალება წერს, მუშაობის შეჩერების მიზეზები British Airways კომპიუტერული სისტემის ხარვეზი და საპროტესტო აქცია გახდა.

კერძოდ, მოძრაობის “ფერადკანიანთა სიცოცხლე მნიშვნელოვანია” აქტივისტებმა აეროპორტის ერთადერთი ასაფრენი ბილიკი დაიკავეს.

მედიის ინფორმაციით, 10-მდე ადამიანმა, რომლებიც ერთმანეთთან ხელბორკილებით იყვნენ დაკავშირებულები, ტერიტორიის დატოვებაზე უარი განაცხადა. ადგილზე მისულმა პოლიციამ დემონსტრანტები დააკავა და ასაფრენი ბილიკი გაათავისუფლა. თუმცა კომპიუტერულ სისტემაში არსებული ხარვეზის გამო აეროპორტის მუშაობა ამ დრომდე არ განახლებულა. ავიაკომპანია “ბრითიშ ეარვეისმა” შექმნილი სიტუაციის გამო მგზავრებს ბოდიში მოუხადა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან