ანგელა მერკელის განცხადებით, გერმანიაში ტერორიზმის მიგრანტთა ნაკადთან დაკავშირება არასწორია, - ამის შესახებ გერმანიის კანცლერმა გამოცემა Suedduetsche Zeitung-თან ინტერვიუში განაცხადა.

კანცლერის თქმით, ტერორიზმი გერმანიაში სხვადასხვა ფორმით ისედაც არსებობდა.

"იმის მტკიცება, რომ ტერორიზმი ლტოლვილებთან ერთად მოვიდა, უბრალოდ არასწორია. ის უკვე არსებობდა აქ სხვადასხვა ფორმით და სხვადასხვა პოტენციური ბოროტმოქმედით, რომლებზეც ჩვენ თვალთვალი გვქონდა დაწესებული", - განაცხადა ანგელა მერკელმა.

მერკელის აზრით, მიგრანტთა ნაკადის მიუხედავად, "გერმანია გერმანიად დარჩება".

"ცვლილებები ყოველთვის ცუდი არ არის, ეს ცხოვრების განუყოფელი ნაწილია. გერმანია გერმანიად დარჩება ყველაფრით იმით, რაც ჩვენთვის ძვირფასია", - აღნიშნა კანცლერმა.

ერთი თვის წინ ანგელა მერკელმა განაცხადა, რომ გერმანიის მიგრაციული პოლიტიკა მშვიდობიან მოსახლეობაზე თავდასხმების გამო არ შეიცვლება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო