„საერთაშორისო გამჭვირვალობა – საქართველო”-ს მიერ შექმნილ ვებ-გვერდ chemikhma.ge-ზე გამოქვეყნებული მონაცემების მიხედვით, სამი პოლიტიკური პარტია, "რესპუბლიკური პარტია", "ერთიანი ნაციონალური მოძრაობა" და "გირჩი" სახელმწიფო ბიუჯეტიდან რელიგიური ორგანიზაციების დაფინანსების წინააღმდეგნი არიან.

ამავე კითხვარის მიხედვით, რელიგიური ორგანიზაციების დაფინანსებას მხარს უჭერს "ეროვნული ფორუმი", მათი თქმით, უნდა ფინანსდებოდეს მხოლოდ ტრადიციული (მართლმადიდებლური, ისლამური, იუდეური, რომაულ–კათოლიკური და სომხური სამოციქულო აღმსარებლობის) რელიგიური გაერთიანებები. მომხრეა "ნინო ბურჯანაძე - დემოკრატების" პოზიციით, დიახ, უნდა ფინანსდებოდეს მხოლოდ მართლმადიდებლური ეკლესია. მომხრეები არიან ასევე "თავისუფალი დემოკრატები" და "მრეწველები".

კითხვაზე, უნდა სარგებლობდეს თუ არა საქართველოს მართლმადიდებლური ეკლესია კონსტიტუციური შეთანხმებით მინიჭებული განსაკუთრებული სტატუსითა და შეღავათებით? ეროვნული ფორუმის პოზიციაა- დიახ, ენმ-ის პასუხია  – დიახ, თავსიუფალი დემოკრატების პოზიციაა – დიახ, მრეწველების პოზიციაა – დიახ,  ბურჯანაძის პოზიციია – დიახ,  გირჩის პოზიციაა – არა და რესპუბლიკელების პოზიციაა – არა.

​ცნობისთვის, Chemikhma.ge „საერთაშორისო გამჭვირვალობა – საქართველო”-ს მიერ შექმნილი ვებგვერდია, რომლის მიზანია, დაეხმაროს საქართველოს მოქალაქეებს 2016 წლის საპარლამენტო არჩევნებში მათთვის სასურველი არჩევანის გაკეთებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა