პარლამენტის ბიუროს სხდომაზე დავით უსუფაშვილი და გია ვოლსკი ერთმანეთს სიტყვიერად დაუპირისპირდნენ. მიზეზი  15 აგვისტოს  ბიუროს სხდომაზე, რომელზეც ქვეყნის კონსტიტუციაში უბლოკო სტატუსის ჩაწერასთან დაკავშირებით, საქართველოს მოქალაქეების განაცხადი უნდა განეხილათ, ფრაქცია "ქართული ოცნების" წევრების არ გამოცხადება გახდა.

პარლამენტის თავმჯდომარემ ბიუროს წევრებს მოუწოდა, თუ დასწრებას ვერ ახერხებენ,  წინასწარ შეატყობინონ:

”მინდა, გთხოვოთ ყველას, მესმის, რომ დაძაბული პოლიტიკური სეზონია, ბატონ გია ვოლსკისთან რამოდენიმე დღით ადრე ამიტომ მქონდა საუბარი. გთხოვთ, როგორც მე ვცდილობ, რომ წინასწარ შეგატყობინოთ ბიუროს თაობაზე, მეც წინასწარ ჩამაყენეთ საქმის კურსში, თუ რაიმე პრობლემაა",-განაცხადა დავით უსუფაშვილმა.

"თქვენ ისე გამოგყავთ,  თითქოს მე უმრავლესობის წევრების ვერ მოსვლას ორგანიზება გავუკეთე",-უპასუხა გია ვოლსკიმ.

"მე არაფერი არ გამომყავს,  ის გამომყავს ერთადერთი, რომ გთხოვეთ,  ნუ ჩავაყენებთ ერთამენთს უხერხულ მდგომარეობაში, მაშინ, როცა ზომები წინასწარ გვაქვს ხოლმე მიღებული",-მიმართა დავით უსუფაშვილმა ვოლსკის.

"ანუ,  ვინ იქნება,  ვინ არა ყველასთან დაკავშირებით მოგაწოდოთ ინფორმაცია? ჩემთან დაკავშირებით ვთქვი  და შენიშვნა, რომ მქონდა გიასთან ლაპარაკი და ამის მიუხედავად არ მქონდა ინფორმაცია, ამას ვერ მივიღებ",-აღნიშნა ვოლსკიმ.

"ეგ თქვენი უფლებაა მიიღებთ თუ არა. მე თქვენთანაც ვცდილობდი დაკავშირებას,  მაგრამ ვერ მოვახერხე. გასაგებია, ბატონო გია,  ხვალ თუ ბიურო დაგვჭირდება,  მხოლოდ თქვენ აღარ დაგიკავშირდებით, რადგან აქამდე ასე ვმუშაობდით. გავიგე,  ამის შემდეგ ყველა ბიუროს წევრთან ინდივიდუალურად მექნება საუბარი ბიუროს წევრებთან",-განაცხადა დავით უსუფაშვილმა.

გია ვოლსკიმ კი განმარტა, რომ არ უთქვამს, თითქოს  უმრავლესობის მისვლაზე იღებდა პასუხისმგებლობას.

"კარგი, აწი მეცოდინება, გია ვოლსკი არ იქნება პასუხისმგებელი უმრავლესობის წევრების ბოუროზე მოსვლის თაობაზე",-მიმართა პარლამენტის თავმჯდომარემ ფრაქცია "ქართული ოცნების თავმჯდომარეს.

შეგახსენებთ, 15 აგვისტოს პარლამენტის ბიუროს სხდომა კვორუმის არ არსებობის გამო ვერ ჩატარდა. სხდომას ბოიკოტის რეჟიმში მყოფი საპარლამენტო უმცირესობის წევრები არ ესწრებოდნენ. გარდა ამისა, ბიუროს სხდომაზე არ მივიდა საპარლამენტო უმრავლესობის თითქმის მთელი შემადგენლობა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი: ბელარუსის საზღვარზე აპარატურამ, რომელიც რუსულ დრონებს აკორექტირებდა, მუშაობა შეწყვიტა

დროა: პენიტენციურმა პირობა დაარღვია და ხოშტარიასთან მისი მკურნალი ექიმი არ შეუშვა

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა