„ნაციონალური მოძრაობის“ წევრის ოთარ კახიძის განცხადებით, პრემიერ-მინისტრის გიორგი კვირიკაშვილისა და აჭარის მთავრობის თავმჯდომარის ზურაბ პატარაძის მიერ ახალდაქორწინებულებისთვის ოქროს ბეჭდების გადაცემა წინასაარჩევნო პერიოდში ამომრჩევლის მოსყიდვაა.

„რა თქმა უნდა, პრემიერ-მინისტრისა და აჭარის მთავრობის თავმჯდომარის მიერ წინასაარჩევნო პერიოდში ახლადაქორწინებულთათვის ბეჭდების გადაცემა ამომრჩევლის მოსყიდვაა. საარჩევნო კამპანიის დროს, ამომრჩევლისთვის სხვადასხვა ტიპის ფასიანი საჩუქრის გადაცემა, გარდა საარჩევნო ატრიბუტიკისა, არის ამომრჩევლის მოსყიდვა. განსაკუთრებით, როდესაც ოქროს ბეჭედს ეხება საქმე, ეს ერთის მხრივ უხერხულიცაა და ამ თემის პოზიციონირება, რომ პრემიერი ალადაქორწინებულებს ბრილიანტის ბეჭდებს ურიგებს და მეორე, კამპანიის პერიოდშ ეს არის მოსყიდვა და შესაბამის რეაგირებას საჭიროებს. ეს ქმედება უნდა დაჯაირმდეს ან ადმინისტრაციულად ან ჩამდენი პირი სისხლის სამართლის პასუხისგებაში მიეცეს, ეს უვკე პროკურატურის შესაფასებელია“, - განუცხადა კახიძემ „ექსპრესნიუსს“.

შეგახსნებთ, რომ აუდიტის სამსახურმა პრემიერ-მინისტრის მიერ ახალდაქორწინებულებისთვის საჩუქრის გადაცემის ფაქტის შესწავლა დაიწყო. შეგასენებთ, რომ გავრცელებული ინფორმაციით,  6 აგვისტოს ბეშუმში გამართულ შუამთობის დღესასწაულზე პრემიერმა და აჭარის მთავრობის თავმჯდომარემ ახალდაქორწინებულებს საჩუქრად ოქროს ბეჭდები გადასცეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა

მასწავლებლის ეროვნული ჯილდოს კონკურსზე 120-ზე მეტმა მასწავლებელმა შეავსო განაცხადი - პროექტის მთავარი მხარდამჭერია საქართველოს ბანკი

ოცნების პარლამენტმა ფორმულას ჟურნალისტ ნინი ბალანჩივაძეს 6 თვით აკრედიტაცია შეუწყვიტა