ექსპერტის პოლიტიკის საკითხებში გია ხუხაშვილის განცხადებით, თუ დასავლეთი საქართველოს ინტერესების დაცვის მხრივ გააქტიურდება, ამით რუსეთიდან მომდინარე რისკები კიდევ უფრო გაიზრდება.

როგორც ხუხაშვილმა „ექსპრესნიუსს“ განუცხადა, დასავლეთის შესაძლებლობები, მათ შორის საქართველოს პრობლემების გადასაჭრელად, შეზღუდულია.

 „დასავლეთის პოზიცია საქართველოსადმი, დიდწილად, განპირობებულია არა იმით თუ რა უნდა, არამედ იმით თუ რა შეუძლია. ჩვენ შეიძლება არ ვიყოთ კმაყოფილი იმ ქმედებებისა, რასაც დასავლეთი ახორციელებს და რა პოზიციაც მას უჭირავს. სამწუხაროდ, რეალურ პოლიტიკაში ისეთი ვითარებაა, როდესაც დასავლეთის შესაძლებლობები, მათ შორის ჩვენი პრობლემების გადასაჭრელად, შეზღუდულია. იმ სტატუს-კვოში, რაც დღევანდელ მსოფლიო პოლიტიკაში შეიქმნა, დასავლეთს ქმედითი ნაბიჯების გადადგმა არ შეუძლია.
თუმცა, დასავლელი პარტნიორების გარეშე ჩვენი ტერიტორიების დაცვა შეუძლებელია.   აღსანიშნავია, რომ თუ  ჩვენი ინტერესების დასაცავად დასავლეთი გააქტიურდა, ამით რისკები, სავარაუდოდ, გაიზრდება. 2008 წელსაც სააკაშვილს დასავლეთში ვიღაცამ შეუქმნა განცდა, რომ უპირობო მხარდაჭერა ექნებოდა. ამ ყველაფერმა სააკაშვილს ამ ქვეყნის ისტორიაში ერთ-ერთი სულელური ქმედების ჩადენისკენ უბიძგა. იმის დეკლარირება, რომ დასავლეთი საქართველოს ტერიტორიული მთლიანობის ერთგულია და ამ სტატუს-კვოს შენარჩუნების მცდელობები, სავსებით საკამარისია ამ ეტაპზე“, - განაცხადა გია ხუხაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა

მასწავლებლის ეროვნული ჯილდოს კონკურსზე 120-ზე მეტმა მასწავლებელმა შეავსო განაცხადი - პროექტის მთავარი მხარდამჭერია საქართველოს ბანკი

ოცნების პარლამენტმა ფორმულას ჟურნალისტ ნინი ბალანჩივაძეს 6 თვით აკრედიტაცია შეუწყვიტა