შერიგებისა და სამოქალაქო თანასწორობის საკითხებში სახელმწიფო მინისტრმა ქეთევან ციხელაშვილმა, აპარატის თანამშრომლებთან ერთად,  2008 წლის აგვისტოს ომში დაღუპულთა ხსოვნას პატივი მიაგო და  ძმათა სასაფლაოზე მემორიალი გვირგვინით შეამკო.

"ეს არის ერთ-ერთი უმძიმესი დღე საქართველოს უახლეს ისტორიაში, ამ ომს შეეწირა უამრავი ადამიანის სიცოცხლე, დღეს  პატივს მივაგებთ ყველა ჯარისკაცის, ოფიცერის,  სამართალდამცავის, ყველა დაღუპულის ხსოვნას. მინდა,  ყველა ოჯახს მივუსამძიმრო,  ვინც აუნაზღაურებელი დანაკლისი განიცადა დღესაც, რადგან ეს ტკივილი არ განელდება. ამ ომის შედეგად და 25 წლის განმავლობაში ჩვენ ძალიან ბევრი ოჯახი გვყავს ასეთი, როგორც ქართველებს, ისე ოსებს  და აფხაზებს შორის. ეს არის საერთო ტრაგედია და საერთი ტკივილი და ეს ტკივილი რამდენადაც გვაშორიშორებს, იმდენად გვაერთიანებს. საკმარისი დრო გავიდა იმისათვის, რომ ემოციების გარეშე შევაფასოთ ომის შედეგები,  რომ დაპირისპირება არც ერთი ჩვენგანის ინტერესში არ შედის, თუ ვინმე ხეირობს ამ ვითარებით, ეს არც ქართველი, არც ოსი და არც აფხაზი ხალხი არ გახლავთ. ამიტომ, სწორედ დღეს უნდა გავაცნობიეროთ, რომ აღარასდროს დავუშვათ ომი,მსხვერპლი და ასევე ჩვენ უნდა ვიშრომოთ უკეთესი მშვიდობიანი მომავლისათვის",-განაცხადა ქეთევან ციხელაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა

მასწავლებლის ეროვნული ჯილდოს კონკურსზე 120-ზე მეტმა მასწავლებელმა შეავსო განაცხადი - პროექტის მთავარი მხარდამჭერია საქართველოს ბანკი

ოცნების პარლამენტმა ფორმულას ჟურნალისტ ნინი ბალანჩივაძეს 6 თვით აკრედიტაცია შეუწყვიტა