საპარლამენტო უმრავლესობის ლიდერი გია ვოლსკი „ექსპრესნიუსთან“ საუბარში თავდაცვის მინისტრის პოსტზე ლევან იზორიას დანიშვნას გამოეხმაურა.

მისი თქმით, იზორია საკმაოდ წარმატებული მინისტრი იქნება.

„ლევან იზორიაზე დადებითის გარდა ვერაფერს ვიტყვი. ლევანი საკმაოდ საინტერესო პიროვნებაა. იზორია საკმაოდ თავდაჯერებული და პატრიოტი ადამიანია. ეს არის ადამიანი, რომელსაც შეიძლება ჩვენი ქვეყანა ენდობოდეს ამ მნიშვნელოვან დარგს აბარებდეს. დარწმუნებული ვარ, რომ ლევან იზორია წარმატებული მინისტრი იქნება“, - განაცხადა ვოლსკიმ.

ცნობისთვის, თავდაცვის მინისტრი ლევან იზორია, ხოლო შერიგებისა და სამოქალაქო თანასწორობის საკითხებში სახელმწიფო მინისტრი ქეთევან ციხელაშვილი იქნება.

ახალი მინისტრები პრემიერ-მინისტრმა გიორგი კვირიკაშვილმა მთავრობის ადმინისტრაციაში გამართულ ბრიფინგზე წარადგინა.

ქეთევან ციხელაშვილ ამ დრომდე სახელმწიფო მინისტრის პირველი მოადგილის პოსტს იკავებდა, ლევან იზორია კი, სახელმწიფო უსაფრთხოების სამსახურის უფროსის მოადგილე იყო.

შეგახსენებთ, თავდაცვის მინისტრის თანამდებობას აქამდე თინა ხიდაშელი იკავებდა, შერიგებისა და სამოქალაქო საკითხებში სახელმწიფო მინისტრის პოსტს კი, პაატა ზაქარეიშვილი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთის კიდევ შვიდ რეგიონში ბენზინის გაყიდვებზე შეზღუდვები დაწესდა

კარაფანო: ივანიშვილისთვის დაწესებული სანქციები დაპირებებით არ მოიხსნება, ბურთი "ოცნების" მოედანზეა

უკრაინაში კიდევ ერთი ქართველი მებრძოლი დაიღუპა

ძალოვანებმა პუტინს შესთავაზეს სახელმწიფო დუმის არჩევნების გაუქმება ეკონომიკური პრობლემებისა და დრონების თავდასხმების გამო