ალეპოში აფეთქების შედეგად 38 ადამიანი გარდაიცვალა

2016-07-23 15:57:05, 1700 ნახვა

მსოფლიო

ალეპოში აფეთქების შედეგად 38 ადამიანი გარდაიცვალა, - ამის შესახებ BBC იუწყება.

მედია საშუალების ცნობით, გარდაცვლილები სირიელი სამხედროები არიან.

წინასწარი ინფორმაციით, აფეთქება ჯერ კიდევ ხუთშაბათს მოხდა, თუმცა ამის შესახებ ცნობილი არ იყო.

ოპოზიციურმა შეიარაღებულმა დაჯგუფება "ტუვარ აშ-შამმა" აფეთქებაზე პასუხისმეგბლობა აიღო.

როგორც BBC წერს, დაჯგუფებამ აფეთქების ვიდეო სოციალურ ქსელში გაავრცელა, სადაც ჩანს თუ როგორ ფეთქდება ალეპოში საგზაო პოლიციის შენობა.

შეგახსენებთ, რომ ბოლო 4 წლის განმავლობაში ალეპო 2 ნაწილად არის დაყოფილი. ერთ ნაწილი ოფიციალურ დამასკოს ექვემდებარება, მეორე კი მის ოპოზიციას. ალეპო სირიაში, სიდიდით მეორე ქალაქია.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან