მოგერინი: ევროპა მიუნხენის ტრაგედიის წინაშე გერმანიის გვერდით დგას

2016-07-23 12:54:18, 1643 ნახვა

მსოფლიო

ევროპა მიუნხენის ტრაგედიის წინაშე გერმანიის გვერდით დგას, - ამის სესახებ ევროკავშირის საგარეო პოლიტიკისა და უსაფრტხოების საკიტხებში უმაღლესმა წარმომადგენელმა ფედერიკა მოგერინიმ განაცხადა.

მოგერინიმ მიუნხენში მომხდარი ტერაქტის გამო მოსახლეობას მიუსამძიმრა.

“ჩვენი ფიქრი დაღუპულებთან, მათ ოჯახებთან და გერმანიის ხალხთანაა. ევროპა გერმანიის გვერდით დგას”, - განაცხადა ევროკომისარმა.

შეგახსენებთ, რომ გუშინ მიუნხენში, სავაჭრო ცენტრ "ოლიმპიასთან" უცნობმა მამაკაცმა მოსახლეობას ცეცხლი გაუხსნა, რის შედეგადაც 9 ადამიანი გარდაიცვალა, 20-მდე კი დაჭრა, 3 დაშავებული კრიტიკულ მდგომარეობაში იმყოფება.

ცნობისთვის, თავიდან ვრცელდებოდა ინფორმაცია, რომ თავდასხმაში 3 ადამიანი მონაწილეობდა.

გავრცელებული ინფორმაციით, სავაჭრო ცენტრში ცეცხლი 18 წლის ირანელმა ახალგაზრდამ გახსნა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან