აჭარის მთავრობის თავმჯდომარე დღეს ხელვაჩაურის სოფელ სატეხიის მოსახლეობას შეხვდა და მათ პრობლემებს გაეცნო. ამის შესახებ "ექსპრენიუსს" აჭარის მთავრობის ადმინისტრაციიდან აცნობეს.

მათი ინფორმაციით, რამდენიმე დღის წინ ადგილობრივები დაზიანებული სოფლის გზის მოწესრიგებას ითხოვდნენ, დღეს ეს გზა უკვე აღდგენილია. სოფელ სატეხიის მკვიდრთა მთავარი მოთხოვნა გაზიფიცირების მიმართულებით მხარდაჭერა იყო. რეგიონის ხელმძღვანელი ინდივიდუალურად გაესაუბრა და მოისმინა მათი პრობლემები. მთავრობის კუთხით ყველა შესაძლო რესურსი იქნება გამოყენებული, რათა ერთგვარი მედიატორის როლი განახორციელოს ადგილობრივ გამგეობასა და ბუნებრივი აირის კომპანიას შორის.

"დავდივართ კარდაკარ და ხალხში, რომ ვნახოთ და აღვრიცხოთ რა საკითხები აწუხებს მოსახლეობას. თქვენთან გვერდში დგომით, თქვენთან ერთად უნდა მოვაგვაროთ ყველა გადასაჭრელი საკითხი, მაგრამ მოგვეცით იმის საშუალება, რომ არსებული ვითარებიდან ვიპოვოთ გამოსავალი; არსებული შესაძლებლობებიდან მაქსიმალურად წავწიოთ საქმე წინ'' - განაცხადა შეხვედრისას ზურაბ პატარაძემ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სახალხო დამცველმა ისაუბრა დაკავებულების გაშიშვლების, მათ შორის არასრულწლოვანთა ცემის, გაუპატიურების მუქარაზე პოლიციის მხრიდან

ყაზახეთმა და ევროკავშირმა ბრიუსელში არაერთ სტრატეგიულ დოკუმენტს მოაწერეს ხელი

სახახო დამცველმა ივანიშვილის რეჟიმის მიღებული დრაკონული და ადამიანის უფლებების შემზღუდავი კანონები გააკრიტიკა

საქართველოს ბანკის ბიზნეს 360˚-ის ფარგლებში, ქოფირაითინგის ვორკშოპი გაიმართება