საქართველოს პირველმა ლედიმ მაკა ჩიჩუამ, სლოვენიაში ვიზიტის ფარგლებში, ქალაქ ლიუბლიანას მახლობლად მდებარე ბავშვთა სარეაბილიტაციო ცენტრი და სკოლა „Dolfke Bostjancic"-ი მოინახულა.

პრეზიდენტის ადმინისტრაციის პრესსამსახურის ინფორმაციით, ცენტრი განსაკუთრებული საჭიროების მქონე ბავშვებსა და მოზარდებს ემსახურება, რომლებსაც სხვადასხვა სახის გონებრივი და ფიზიკური შეზღუდვა გააჩნიათ.

პირველ ლედის ცენტრის დირექტორმა და სამედიცინო მომსახურების ცენტრის ხელმძღვანელმა უმასპინძლეს და ცენტრის საქმიანობის შესახებ ინფორმაცია მიაწოდეს.

პირველი ლედი ცენტრში მომუშავე პედაგოგებსა და სამედიცინო პერსონალსაც გაესაუბრა და სარეაბილიტაციო ცენტრში მცხოვრები ბენეფიციარებიც მოინახულა.

მაკა ჩიჩუა ცენტრის მუშაობის სპეციფიკით და იმ პროგრამებით დაინტერესდა, რომლებიც  ბავშვთა მენტალური თუ ფიზიკური განვითარებისთვის ხორციელდება.

შეხვედრის დასრულების შემდეგ, პირველმა ლედიმ დაათვალიერა ცენტრში არსებული სამედიცინო და ფიზიო-თერაპიული პუნქტი, ასევე მოინახულა განსაკუთრებული საჭიროების მქონე ბავშვების სკოლა, რომელიც აღნიშნული ცენტრის ბაზაზე ფუნქციონირებს.

მაკა ჩიჩუამ  ცენრთან არსებული ინფრასტრუქტურაც დაათვალიერა, სადაც ბენეფიციართა საცხოვრებელი სახლები, სპორტული მოედნები და საცუარო აუზია განთავსებული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მედია: ტრამპმა ზელენსკის მოუწოდა, გაბედულად იმოქმედოს რუსეთის წინააღმდეგ

ZEG Storytelling Festival

ბოჭორიშვილი- ევროკავშირში ხშირად ატარებენ შეხვედრებს, იმისთვის რომ საქართველო არ მიიწვიონ

კობახიძემ მოიტყუა, რომ ევროპარლამენტი არ აღიარებს საქართველოს სუვერენიტეტს მთელ ტერიტორიაზე