თურქეთის თავდაცვის მინისტრი: სახელმწიფო გადატრიალების მცდელობა უახლოეს დროში ჩახშობილი იქნება

2016-07-16 04:15:51, 1824 ნახვა

მსოფლიო

თურქეთში სახელმწიფო გადატრიალების მცდელობა უახლოეს დროში ჩახშობილი იქნება, - ამის შესახებ თურქეთის თავდაცვის მინისტრმა ფიქრი იშიკმა განაცხადა.

ადგილობრივი ტელეკომპანია NTV-ს ინფორმაციით, მინისტრმა სამხედროებს მოუწოდა, უკანონო ბრძანებები არ შეასრულონ.

ამასთან, იშიკის თქმით, მის ხელთარსებული ინფორმაციით, თურქეთის არმიის გენშტაბის უფროსი სამხედროების ჯგუფს მძევლად ჰყავს აყვანილი.

შეგახსენებთ, რომ თურქეთში სახელმწიფო გადატრიალების მცდელობა მოხდა, რის შედეგადაც 17 ადამიანია გარდაცვლილი. არიან დაშავებულებიც, თუმცა მათი რაოდენობა ჯერ უცნობია.

მედიის ცნობით, 4 სამხედროა დაკავებული.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან