დაბლოკილი სოც.ქსელები, ბლოკირებული პრეზიდენტის რეზიდენცია - თურქეთი დაპირისპირების ზღვარზე

2016-07-16 00:32:29, 1794 ნახვა

მსოფლიო

სავარაუდო სამხედრო გადატრიალება - ასე აფასებენ ვითარებას თურქეთში.

ქვეყნის ორ დიდ ქალაქში პანიკაა, ბლოკირებულია ორი მთავარი ხიდი, რომლებზეც, ფრანს პრესის ინფორმაციით 60 ნაღმი აღმოაჩინეს.

ამ წუთებში კვლავ სროლის ხმა ისმის ანკარაში. სტამბოლში ყველა ძირითად ქუჩას სამხედროები აკონტროლებენ.

ქუჩებში სამხედრო ტექნიკასთან ერთად ასობით ჯარისკაცი იმყოფება სრული შეიარაღებით. გარდა ამისა, დედაქალაქის თავზე გამანადგურებლები და ვერტმფრენები ტრიალებენ.

დაუდასტურებელი ინფორმაციით, ქვეყანაში გაითიშა ინტერნეტი და ბლოკირებულია პრეზიდენტის რეზიდენცია.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან