რუსეთის სასამართლომ კრიმინალურ ავტორიტეტს შაქრო კალაშოვის დაპატიმრების გადაწყვეტილება მიიღო, - ამის შესახებ "იტარ-ტასი" იუწყება.

მედია საშუალების ინფორმაციით, სასამართლომ გამომძიებლის შუამდგომლობა დააკმაყოფილა. კალაშოვის ადვოკატი გადაწყვეტილების გასაჩივრებას გეგმავს.

როგორც "იტარ-ტასი" წერს, ე.წ კანონიერ ქურდს დიდი ოდენობის თანხის გამოძალვაში ედება ბრალი.

რუსეთის შინაგან საქმეთა სამინისტროს ცნობით, ორგანიზებული დანაშაულებრივი დაჯგუფების წევრები მოსკოვში მდებარე ერთ-ერთი რესტორნის მეპატრონისგან 8 მილიონ რუბლს ითხოვდნენ, წინააღმდეგ შემთხვევაში მას და მისი ოჯახის წევრებს ფიზიკური ანგარიშსწორებით ემუქრებოდნენ.

ცნობისთვის, რუსეთში 3-ჯერ ნასამართლევი შაქრო კალაშოვი 2008 წელს ესპანეთში ფულის გათეთრების ბრალდებით დააკავეს. მის ექსტრადირებას საქართველო ითხოვდა, სადაც მას მკვლელობისთვის 18 წლით თავისუფლების აღკვეთა დაუსწრებლად მიუსაჯეს. ესპანეთის ციხიდან გათავისუფლების შემდეგ კალაშოვი რუსეთში დაბრუნდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს