აფხახეთის დე ფაქტო პრეზიდენტმა რაულ ხაჯიმბამ ე.წ. შინაგან საქმეთა მინისტრის ლეონიდ ძიაპშბას უფლებამოსილების შეჩერების შესახებ განკარგულებას ხელი მოაწერა, - ამის შესახებ ინფორმაცია ოკუპირებული აფხაზეთის დეფაქტო პრეზიდენტის ვებგვერდზე გამოქვეყნდა. 

მედია საშუალების იფნორმაციით, ლეონიდ ძიაპშბას უფლებამოსილება პროკურატურის მიერ მისი საქმიანობის შემოწმების პერიოდში შეუწყდება. ე.წ. მინისტრის მოვალეობებს მისი მოადგილე ბორის აბიტოვი შეასრულებს.

როგორც "ინტერფაქსი" წერს, ე.წ. შინაგან საქმეთა სამინისტროს შენობასთან ოპოზიციის მიერ ორგანიზებული მიტინგი დასრულებულია.

როგორც 5 ილისის საღამოს რაულ ხაჯიმბამ თავის მომხრეების წინაშე სიტყვით გამოსვლისას განაცხადა, ოპოზიციასთან მოლაპარაკებები გაგრძელდება.

“ვითარება ჯერ არ განმუხტულა, ოპოზიციას სხვა მოთხოვნებიც გააჩნია”, - აღნიშნა ხაჯიმბამ.

ცნობისთვის, 10 ივლისს ოკუპირებულ აფხაზეთში ვადამდელი საპრეზიდენტო არჩევნების დანიშვნის შესახებ რეფერენდუმი უნდა ჩატარდეს. 5 ივლისს გამართულ ყრილობაზე ოპოზიციურმა პარტიამ “ამცახარამ" რეფერენდუმის შემოდგომას გადატანა მოითხოვა. ოპოზიციის მიერ მიღებულ რეზოლუციაში ნათქვამია, რომ აფხაზეთში მოსახლეობის ნების თავისუფალი გამოხატვისთვის აუცილებელი პირობები უზრუნველყოფილი არ არის.

დეფაქტო მთავრობა რეფრენედუმის გადატანაზე უარს აცხადებს.

“რეფერენდუმის გადატანის უფლება არავის აქვს. მოლაპარაკებები გაგრძელდება 6 ივლისს. ამით ყველაფერი უნდა დამთავრდეს. ჩვენ უნდა შევინარჩუნოთ ჩვენი სახელმწიფო. რაც შემეხება პირადად მე, აქ ვიქნები ჩემთვის კონსტიტუციით გათვალისწინებულ ვადამდე - 2019 წლამდე”, - განაცხადა ხაჯიმბამ.

შეგახსენებთ, რომ 5 ივლისის საღამოს დემონსტრანტებმა აფხაზეთის ე.წ. შინაგან საქმეთა სამინისტროს შტურმით აღება სცადეს. ადგილობრივი მედიის ინფორმაიით, საპროტესტო აქცის მონაწილეებმა სამინისტროს ეზოს ჭიკრის შემტვრევა შეძლეს და უწყების წინ მდებარე ეზოში შეიჭრნენ. დემონსტრანტები აცხადებდნენ, რომ ძიაპშბას გადადგომამდე არ დაიშლებოდნენ.

ოპოზიცია ე.წ. შინაგან საქმეთა მინისტრის გადადგომას აფხაზეთში კრიმინოგენური ვითარების გაურესების გამო და რეფერენდუმზე მოსახლეობის ნების თავისუფალი გამოვლინების შეზღუდვის გამო ითხოვდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სქროლვა-სქრინვის სამმართველო მოქალაქეს ივანიშვილის წყევლის გამო ან ჯარიმას დაუწესებს ან 20 დღე ციხეში გაუშვებს

რეჟიმის წარმომადგენელი კობახიძე სქროლვა-სქრინვის სამსახურს ოპტიმიზმით უყურებს

კობახიძე ევროსაბჭოს რეზოლუციაზე - აბსურდია ყველაფერი, რაზეც საუბარია რეზოლუციაში, საქართველო არის მოწინავე დემოკრატიის თვალსაზრისით

500 Global in Eurasia-ს მეათე ნაკადის დემო დღე 25 ივნისს გაიმართება