ათათურქის აეროპორტში მომხდარ ტერაქტთან კავშირში ეჭვმიტანილი კიდევ 17 პირი დააკავეს

2016-07-05 17:22:34, 1323 ნახვა

მსოფლიო

თურქეთში ათათურქის სახელობის საერთაშორისო აეროპორტში მომხდარ ტერაქტთან კავშირში ეჭვმიტანილი კიდევ 17 პირი დააკავეს, - ამის შესახებ BBC იუწყება.

როგორც მედია საშუალება წერს, თავდასხმასთან შესაძლო კავშირებისთვის ამ დროისთვის 30 ადამიანია დაკავებული.

ცნობისთვის, გასულ კვირას თურქეთის ხელისუფლებამ დაადასტურა, რომ აეროპორტზე თავდასხმაში მონაწილე თვითმკვლელები რუსეთის, უზბეკეთისა და ყირგიზეთის მოქალაქეები იყვნენ.
თურქეთის პრემიერ-მინისტრის ბინმალი ილდირიმის ცნობით, პირველადი მონაცემები მიუთითებს, რომ თავდასხმის უკან დაჯგუფება „ისლამური სახელმწიფო“ დგას.

შეგახსენებთ, რომ ათათურქის აეროპორტში სამმა თვითმკვლელმა ტერორისტმა ჯერ “კალაშნიკოვის” ტიპის იარაღიდან გახსნა ცეცხლი, შემდეგ კი თავი აიფეთქა.

ბოლო მონაცმებით, ტერაქტის შედეგად 43 ადამიანი გარდაიცვალა.