ეუთო-ს ადამიანის უფლებათა კომიტეტში, ოკუპირებულ ტერიტორიებზე, იძულებით გადაადგილებული პირების უფლებებსა და ზოგად ვითარებაზე იყო საუბარი, - ამის შესახებ საპარლამენტო უმცირესობის წევრმა გიგი წერეთელმა სესიის დასრულების შემდეგ ჟურნალისტებს განუცხადა.

როგორც წერეთელმა აღნიშნა, კომიტეტზე ქართულმა და უკრაინულმა მხარემ რუსეთს ოკუპირებული ტერიტორიების შესახებ კიდევ ერთხელ შეახსენეს.

"საუბარი იძულებით გადაადგილებული პირების უფლებებსა და იმ ვითარებას ეხებოდა, რომელიც აღნიშნულ ტერიტორიებზეა. რა თქმა უნდა დღეს მთავარი პრობლემა მიგრაცია და მიგრანტთა პრობლემებია ევროპაში. ჩვენ და უკრაინელებმაც შევახსენეთ, რომ რუსეთს აქვს ოკუპირებული ტერიტორიები, სადაც ადამიანებს წართმეული აქვთ, ნორმალური ცხოვრების უფლება და სიცოცხლის უფლებაც კი. ამ კონტექსტში, მე გავიხსენე ჩვენი თანამემამულის გიგი ოთხოზორიას მკვლელობის ამბავი. მოწოდება ის არის, რომ ეუთოს წევრი ყველა ქვეყანა მეტად იყოს ჩართული, იმისათვის რომ ერთობლივი ძალებით დავიცვათ ამ ადამიანების უფლებები", - განაცხადა წერეთელმა.

ცნობისთვის, ეუთო-ს საპარლამენტო ასამბლეის სესიაზე რუსული დელეგაცია ოკუპირებული ტერიტორიების შესახებ საქართველოს მიერ მომზადებული რეზოლუციის ყველა პუნქტს შეეწინააღმდეგება. რუსული დელეგაციის თავმჯდომარის ნიკოლაი კოვალიოვის თქმით, რუსეთი არც ერთ შემთხვევაში არ აღიარებს ოკუპაციად, იმას რაც ხდება. 

შეგახსენებთ, რომ ეუთო-ს საპარლამენტო ასამბლეის 25-ე ყოველწლიური სესია მიმდინარეობს, რომელსაც რუსეთის დელეგაციის წევრებიც ესწრებიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბელარუსის ოპოზიციამ უკრაინას მინსკის მიერ ომისთვის შესაძლო მზადების ნიშნების შესახებ ანგარიში გადასცა

ირანი და ომანი ჰორმუზის სრუტეში გადასასვლელად გადასახადს არ დააწესებენ

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა