საქართველო და რუსეთი პატიმრების ორმხრივ  გათავისუფლებაზე შეთანხმდნენ.

აღნიშნული ინფორმაცია რუსეთის საგარეო საქმეთა სამინისტროს განცხადებაშია  ნათქვამი, რომელიც  კარასინი-აბაშიძის შეხვედრის დასრულების შემდეგ გამოქვეყნდა.

როგორც რუსეთის საგარეო უწყების განცხადებაშია აღნიშნული,  საქართველომ და რუსეთმა ერთობლივი ძალისხმევით შეძლო შეთანხმების მიღწევა პატიმრობაში მყოფი ორი ქვეყნის მოქალაქეების ორმხრივ გათავისუფლებაზე.

ამასთან, განცხადებაში აღნიშნულია, რომ რუსულ-ქართული ურთიერთობების კონსტრუქციული დიალოგი  გაგრძელდება  იმ მიმართულებით, სადაც დიპლომატიური ურთიერთობების არარსებობის პირობებში შესაძლებელია პროგრესი-ვაჭრობა, ტრანსპორტი და ჰუმანიტარული კონტაქტები.

„ამ სფეროებში შედეგები აშკარაა. ამგვარად, მიმდინარე წლის პირველი კვარტლის შედეგად დაფიქსირდა ორმხრივი სავაჭრო ბრუნვის შესამჩნევი ზრდა. რუსეთი კვლავ რჩება საქართველოს რიგით მეორე სავაჭრო პარტნიორად და ღვინის პროდუქციის რეალიზების მთავარ ბაზრად. მოსალოდნელია, რომ ორი ქვეყნის სავაჭრო-სამრეწველო პალატების დაგეგმილი კონტაქტები კიდევ უფრო გააძლიერებს რუსულ-ქართულ ეკონომიკურ ურთიერთობებს", - აღნიშნულია რუსეთის საგარეო უწყების განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს