ეკონომიკისა და მდგრადი განვითარების სამინისტროს საზღვაო ტრანსპორტის სააგენტოს დირექტორმა მამუკა ახალაძემ ბათუმის საზღვაო აკადემიის კურსანტები მეზღვაურთა ბეჭდებითა და სერთიფიკატებით დააჯილდოვა.

მეზღვაურთა საერთაშორისო დღის აღსანიშნავ ღონისძიებაზე მამუკა ახალაძემ კურსდამთავრებულებს სიტყვით მიმართა და განაცხადა, რომ  საზღვაო ტრანსპორტის სააგენტო მათ მომავალზე ზრუნავს. 

მან ასევე საზღვაო სფეროში ქვეყნის მიღწევებზე გაამახვილა ყურადღება:

“საქართველოს საზღვაო  სფერო ყოველწლიურად ვითარდება, ჩვენ ახალ სიმაღლეებს ვიპყრობთ, როგორც იცით ევროკავშირის აღიარება მოვიპოვეთ, ქართული დროშა ამოვიღეთ „შავის სიიდან“, განავითარეთ საზღვაო სივრცის სხვადასხვა ასპექტები და სამომავლოდ ძალიან ბევრი გეგმები გვაქვს. მინდა მიულოცო ყველა მეზღვაურს დღევანდელი დღე და საქართველოს ეკონომიკისა და მდგრადი განვითარების სამინისტროს საზღვაო ტრანსპორტის სააგენტოს სახელით ვუთხრა, რომ ჩვენ მათ მომავალზე ვზრუნავთ“, - აღნიშნა ახალაძემ.

მისივე თქმით, წელს, ბათუმში, საერთაშორისო საზღვაო ფორუმი გაიმართება.

„ერთ-ერთი მნიშნელოვანი და გრანდიოზული მოვლენა, რომელიც წელს საქართველოში მოხდება ეს არის პირველი ისტორიული, საერთაშორისო საზღვაო ფორუმი რომელიც გაიმართება ბათუმში, პრემიერ-მინისტრის პატრონაჟით. ფორუმზე მოწვეული იქნებიან მსოფლიოს საზღვაო ლიდერები, უმაღლესი დონის სტუმრები და ეს იქნება საქართველოსთვის უდიდესი წარმოჩენა საერთაშორისო ასპარესზე",-განაცხადა მამუკა ახალაძემ

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს